Warning: imagejpeg(local/cache-vignettes/L463xH261/arton14593-9f6f0.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Amerika yohereje Ubwato bw’intambara muri Koreya y’Epfo mu gihe hategerejwe inama yiga kuri Korea ya Ruguru .|. Makuruki.rw | Amakuru Asesenguye!

Amerika yohereje Ubwato bw’intambara muri Koreya y’Epfo mu gihe hategerejwe inama yiga kuri Korea ya Ruguru

Ubwato bw’intambara bugendera munsi y’amazi (sous-marin) bwa Leta Zunze Ubumwe za Amerika bwamaze kugera mu gihugu cya Koreya y’Epfo mu rwego gukumira ibitero bishobora kugabwa na Koreya ya Ruguru.

Ibi bibaye mu gihe kuri uyu wa kabiri Koreya ya Ruguru iri mu birori byo kwizihiza isabukuru y’imyaka 85 igisirikare cyayo kimaze gishinzwe.

Impungenge z’umutekano muke n’itutumba ry’intambara hagati ya Leta Zunze Ubumwe za Amerika na Korea ya Ruguru zikomeje kwiyongera kuva mu ntangiro z’uku kwezi, ubwo ibi bihugu byombi byagiye bibwirana amagambo y’ubushotoranyi no kwihanangirizanya.

Inzobere mu bya Politike zivuga ko Koreya ya Ruguru yaba igiye kongera kugerageza ibisasu byayo bya kirimbuzi nkuko yagiye ibikora mu bihe byashize ubwo yabaga yizihiza isabukuru y’igisirikare cyayo.

Koreya y’Epfo ivuga ko nta kintu giteye ubwoba kiragaragara kugeza ubu muri ibyo birori, kuko ngo igisirikari cyayo kiri kubikurikiranira hafi mu rwego rwo kwirindira umutekano.

Ubu bwato bw’intambara bwoherejwe na Amerika mu gihe ejo kuwa gatatu tariki ya 26 Mata 2017 hateganyijwe inama mu biro by’umukuru w’igihugu wa Amerika (White House) igamije kwiga ku kibazo cya Koreya ya Ruguru.

Iyi nama izitabirwa n’abagize Inteko Ishinga Amategeko, Umunyamabanga wa Leta Rex Tillerson , Dan Coats umuyobozi w’ibiro bishinzwe iperereza, General Joe Dunford ukuriye ibiro by’umukuru w’igihugu, na Minisitiri w’ingabo Jim Mattis ari nawe uzaba uyoboye iyi nama.

Perezida Donald Trump kuri uyu wa Mbere ubwo yari yakiriye Ambasaderi w’Akanama gashinzwe umutekano ku Isi mu biro bye, yavuze ko batazakomeza kwihanganira imyitwarire ya Koreya ya Ruguru.

Yisangize Inshuti.

Ibitekerezo

Tanga Igitekerezo