Kwamamaza

Politiki

Afurika ikwiye kureka imyumvire y’uko buri muyobozi wa Amerika azayigirira impuhwe–Kagame

Yanditswe

kuya

na

Ferdinand Maniraguha
Afurika ikwiye kureka imyumvire y’uko buri muyobozi wa Amerika azayigirira impuhwe–Kagame

Perezida Kagame (hagati) atanga ikiganiro

Perezida w’u Rwanda Paul Kagame yavuze ko Afurika ikwiye kuva ku mitekerereze yo guhora iteze amakiriro ku muyobozi mushya uje kuyobora Amerika, ahubwo igashaka uko Amerika n’Afurika bakorana kandi buri wese akungukira mu byakozwe.

Perezida Kagame yabitangaje kuri uyu wa Mbere, mu nama yiswe Atlantic Council Roundtable, yateguwe na Atlantic Council, ikigo gikora ubushakashatsi kuri politiki mpuzamahanga, ubucuruzi kigategura n’ibiganiro bitandukanye bihuza impuguke muri politiki n’ibindi.

Muri iyi nama yaberaga i Washington Dc, Perezida Kagame yavuze ko aho bigeze Afurika iri kureba ejo hazaza kandi ifite buri cyose gikenewe ngo ibigereho.

Yavuze ko ubufatanye hagati ya Leta Zunze Ubumwe za Amerika na Afurika bwakunze kurangwa no guhengamira ku ruhande rumwe, igihe kikaba kigeze ngo bihinduke.

Ati “Intego za Afurika ziri gutera imbere ari nako ibihugu n’uturere tumwe dutera imbere kurusha utundi.Afurika irangamiye ejo hazaza hayo haturutse mu baturage bayo, guhanga udushya mu ikoranabuhanga no kongera imijyi.Mu myaka myinshi yashize, imikoranire ya Amerika na Afurika yari ihengamiye ku ruhande rumwe, bikomeza gutyo uko ubuyobozi bwasimburanwaga.”

Kagame yakomeje avuga ko iyi myumvire ikwiye guhinduka, Amerika igafatanya na Afurika mu nyungu rusange, ntawe uryamiye undi.Yavuze ko mbere na mbere bikwiye guhera muri Afurika, ikareka guhora itegereje ko izagirirwa impuhwe n’umuyobozi mushya uzayobora Amerika.

Yagize ati “Twebwe nka Afurika dukwiye kuva mu byo kwiyumvisha ko tuzagirirwa impuhwe na buri butegetsi bushya , tukajya ku myumvire yo gutekereza icyo Afurika yafatanya na Amerika, ubwo nibwo bufatanye bwunguka.Ni byiza kugira imibanire myiza na Leta Zunze Ubumwe za Amerika n’abandi bafatanyabikorwa hagendewe kubyo Afurika ikeneye cyane ndetse n’ibyo yifuza kugeraho.”

Bimwe mu byo Kagame yatangaje muri iyi nama, bihuye n’ibiri mu myanzuro aherutse gushyikiriza Umuryango wa Afurika Yunze Ubumwe, wari wamusabye gukora inyigo y’ibyakorwa kugira ngo ahazaza h’uwo muryango ugikoresha cyane inkunga z’amahanga, hazabe heza.

IBITEKEREZO

  • mbabazi thadee Yanditse:

    Ibi nukuri nuko ukuri gutinda gushyirwa mubikorwa?

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza