Warning: imagejpeg(local/cache-gd2/cf9f40b1fa05e2f06bf90d6ac99b477a.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Abadepite 8 bo mu Burayi bagiye kuza kwigira ku Rwanda .|. Makuruki.rw | Amakuru Asesenguye!

Abadepite 8 bo mu Burayi bagiye kuza kwigira ku Rwanda

1

Abadepite bagize Inteko Ishinga Amategeko y’umuryango w’Ubumwe bw’i Burayi bagiye kuza mu Rwanda mu rwego kwiga byinshi rwagezeho mu guteza imbere abari n’abategarugori.

Kuri uyu wa 30 Kanama 2016 nibwo Perezida w’Inteko ishinga Amategeko y’u Rwanda Hon Donatille Mukabalisa yakiriye Ambasaderi w’umuryango w’Ubumwe bw’i Burayi mu Rwanda Micheal Ryan aho baganiriye ku ruzinduko abadepite umunani bo mu Nteko Ishinga Amategeko y’uwo muryango bazakorera mu Rwanda kuva kuwa 20 kugera kuwa 23 Nzeli 2016.

Ambasaderi Micheal Ryan yavuze ko bahisemo kuza gusura u Rwanda mu rwego rwo kuhigira gahunda zo guteza imbere uburinganire no guteza imbere umugore dore ko u Rwanda ari rwo rufite abagore benshi mu Nteko Ishinga Amategeko.

Yagize ati “Ntekereza ko ari amahirwe akomeye kuba abadepite bacu baza hano bagasangira ibitekerezo n’abo mu Rwanda, bakigira ku byo mwakoze kuko ntekereza ko u Rwanda ruri mu bihugu byaciye agahigo ku isi mu kugira umubare munini w’abagore bari mu Nteko no mu nzego nkuru za leta.”

Mukabarisa Donatille yavuze ko uru ruzindukorushimangira umubano mwiza w’u Rwanda n’ibindi bihugu.

Yagize ati “ Bisobanuye byinshi, icya mbere ni umubano dusanganywe n’izindi nteko zishinga amategeko zaba izo ku isi cyangwa mu mu turere no mu bihugu bitandukanye. Biba ari byiza rero kubera ko iyo dukomeje kugirana umubano mu rwego rw’Inteko zishinga Amategeko bikomeza gushimangira wa mubano mwiza dufitanye n’ibihugu bitandukanye."

Aba badepite bazasura u Rwanda ni abari muri komisiyo y’Uburenganzira bw’abagore n’uburinganire, bakazaganira na bagenzi babo bari muri komisiyo ishinzwe guteza imbere uburinganire.

Kugeza ubu u Rwanda rufite abagore bangana na 64% mu Nteko Ishinga Amategeko akaba ari narwo rwa mbere ku isi rufite uwo mubare.

Yisangize Inshuti.

Ibitekerezo 1

  1. Harya twe twiga ryari? Niba baza kutwigiraho, ni byiza kuko kwiga bihoraho. Ariko ko ntari numva bo bavuga ko twe tujya kubigiraho iwabo, kandi tudasibayo? Kwiyemera.com

Tanga Igitekerezo