Umwami Kigeli V ngo yasize avuze ko adashaka gutabarizwa mu Rwanda

6

Umuvugizi w’Umwami Kigeli V Ndahindurwa, Boniface Benzinge yavuze ko ibyo kuzana umugogo w’umwami ngo utabarizwe mu Rwanda bidashoboka kuko ngo ataratanga yasabye ko atazatabarizwa ku Rwanda

Hashize igihe kigera ku byumweru bibiri Kigali V Ndahindurwa atangiye muri Leta Zunze Ubumwe z’Amerika aho yari amaze imyaka isaga 20 mu buhungiro, nyuma yo kumara indi igera kuri 30 mu buhungiro mu bihugu byo muri Afurika.

Abo mu muryango we batuye mu Rwanda bagiye batangaza ko umugogo wa Kigeli wazanwa mu Rwanda ukaba ariho utabarizwa ariko abandi babanaga na we muri Amerika bakavuga ko azatabarizwa muri Amerika aho yari asanzwe aba.

Ibi byatumye abo mu muryango we baba mu Rwanda bari kumwe n’uwari umujyanama we Pasiteri Ezra Mpyisi berekeza muri Amerika mu cyumweru gishize, mu biganiro bigamije kumvikana ku ho umugogo wa Kigali V Ndahindurwa uzatabarizwa.

Mu Kiganiro Radiyo Ijwi rya Amerika yagiranye na Benzinge, yavuze ko bataremeza neza aho umugogo w’umwami uzatabarizwa ariko ngo kumutabariza mu Rwanda byo ntibishoboka kuko atari byo yasabye akiriho.

Yagize ati “Ntituremeza neza aho uzatabarizwa (umugogo) ariko ubwacu twebwe gutabarizwa mu Rwanda ntabwo tuzabikora n’aho baba babishaka ariko nk’umuvugizi w’umwami nasobanuriye neza ko ngomba gukurikiza icyifuzo yavuze akiriho kandi gikwiriye kubahirizwa kandi mu muco no mutageko ya Leta ngira ngo ijambo rya nyuma ry’umuntu bakurikiza ikintu umuntu yivugiye ubwe. Naho ibyifuzo bazana ubu ngubu ntabwo twabifata ngo tubinyuranye n’igitekerezo yari afite.”

Benzige yavuze ko igihe bazatabiriza umwami kitari cyamenyekana, gusa ngo hari kuba imihango yo kumusezera muri kiliziya yasengeragamo mu gihe hagishakishwa uko azatabarizwa.

Ezra Mpyisi aherutse gutangaza ko ubwumvikane hagati y’abagize umuryango n’ababanaga n’umwami buramutse bwanze, ngo hashobora kwitabaza Leta ya Amerika.

Leta y’u Rwanda yari yatangaje ko yiteguye gutanga icyo aricyo cyose ngo umugogo w’umwami utabarizwe, ariko ikagendera ku cyifuzo cy’umuryango we.

Kigeli yaciwe n’Ababiligi mu 1960 ubwo yari yagiye muri Zaire (RDC) kubonana n’umukuru wa Loni.

Nyuma yo gucibwa mu gihugu hakozwe kamarampaka hatangazwa ko hakuweho ubwami, hashyirwaho Repubulika.

Yisangize Inshuti.

Ibitekerezo 6

  1. Abafite inyungu Ba Christine nu mukeru koko uzi icyubahiro cyu umuntu wahoze arumwami aramugaraguza agati koko aliko naragenze ndabona burya koko abadahuje nyina ntacyo baba bapfana nyina wu muntu arakomeye iyo mukabayojo na Kigeli baza guhuza Nyina badahuriye kulise musinga gusa ntabwo aba amutesheje gutya kandi Kigeli yarabizi yanze kubonana na Mukabayojo agihe yari muri canada ashaka kujya kureba Kigeli muri america Kigeli yaranzeniyompanvu mukabayojo yashakaga kumwirenza mbere kugirango yimike umwisengeneza we aliko Kigeli umwuzukuru we yaramubujije bunvikana cyane

  2. Abafite inyungu Ba Christine nu mukeru koko uzi icyubahiro cyu umuntu wahoze arumwami aramugaraguza agati koko aliko naragenze ndabona burya koko abadahuje nyina ntacyo baba bapfana nyina wu muntu arakomeye iyo mukabayojo na Kigeli baza guhuza Nyina badahuriye kulise musinga gusa ntabwo aba amutesheje gutya kandi Kigeli yarabizi yanze kubonana na Mukabayojo agihe yari muri canada ashaka kujya kureba Kigeli muri america Kigeli yaranzeniyompanvu mukabayojo yashakaga kumwirenza mbere kugirango yimike umwisengeneza we aliko Kigeli umwuzukuru we yaramubujije bunvikana cyane

  3. Aliko ye babivuze ukuli koko ngo iguye ntayitayigera ihembe imyaka amaze mumbeho yo muli amerika ntamuntu numwe umucira nakarurutega ubu nibwo mumwibutse kuko apfuye upfuye barapfulika ni mumuhe amahoro aho yahambw hose bitwaye iki murirata mwagezaho mugakabya uwo mbona wamugiraho ijambo nu wo babanaga kandi baruhanye murasuzugura pe nu pfuye kweli mumurwanire ahaaaaaaaaaaaaaaaaaaaaa! amaso aberaho kureba

Tanga Igitekerezo