Gaspard Gasasira wakoreraga CNLG wanabaye umunyamakuru yitabye Imana

5

Umunyamakuru Gaspard Gasasira wamenyekanye muri Kinyamateka no kuri Televisiyo y’Igihugu yitabye Imana mu ijoro ryo kuri uyu 07 Nzeli 2016 azize urupfu rutunguranye.

Mu kiganiro Makuruki yagiranye n’Umuyobozi wa Komisiyo y’Igihugu ishinzwe kurwanya Jenoside, Dr Jean Damascene Bizimana, yavuze ko Gasasira yazize urupfu rutunguranye.

Uyu muyobozi avuga ko uyu mugabo yari umwe mu bakozi ba CNLG bari bafite ubunararibonye, yakoranaga ubushishozi ndetse n’ubwitange mu kazi ke ka buri munsi.

Nyuma yuko yakoraga mu kinyamakuru cya CNLG kitwa Icyizere ndetse no kugaragara mu nshingano zitandukanye kuri ubu yabaga mu ishami ryahawe inshingano z’ibikorwa byo kwandikisha inzibutso zimwe za Jenoside ku rutonde rw’umurage w’isi rwa UNESCO.

Izo nzibutso zirimo urwa Kigali ruri ku Gisozi, urwa Nyamata, urwa Murambi n’urwa Bisesero.

Uyu mugabo kandi yabaga mu kandi gashami gashinzwe ubushakashatsi n’ ububiko shakiro bw’inyandiko za Gacaca.

Dr Bizimana ati “Icyago nk’iki ni icyago gitera choc (igikomere) kandi twifatanyije n’umuryango muri ibi bihe by’akababaro”.

Gasasira yabaye umwanditsi wa Kinyamateka mu myaka ya 1991 kugeza muri 1993, ndetse akaba aho yibandaga ku bwicanyi bwakorwaga na Leta yari riho. Yanakoze kuri Televiziyo Rwanda mu biganiro byabaga byateguwe na CNLG.

Yisangize Inshuti.

Ibitekerezo 5

Tanga Igitekerezo