Kwamamaza

POLITIKE Y’U RWANDA

Kigali: Umugabo yagerageje gutwika umugore we, inzego z’umutekano zirahagoboka

Yanditswe

kuya

na

Bikorimana Alexis
Kigali: Umugabo yagerageje gutwika umugore we, inzego z’umutekano zirahagoboka

Mu murenge wa Nyakabanda, umugabo witwa Hakizimana Eugene yagerageje gutwikira umugore we mu nzu ntiyabigeraho kuko inzego zishinzwe umutekano zahise zihagoboka.

Mu rukerera rwo kuri uyu wa kabiri, umugabo utuye mu Murenge wa Nyakabanda, Akagari ka Nyakabanda mu Mudugudu wa Kokobe yagerageje gutwikira umugore we mu nzu ariko umugambi uramupfubana.

Umugore wa Hakizimana Eugene wari ugiye gutwikirwa mu nzu agatabarwa n’irondo, kuri ubu yajyanwe mu bitaro kuko yahise agira ikibazo cy’ihungabana naho umugabo we kuri ubu acumbikiwe kuri Polisi ya Nyamirambo.

Jules Habimana Umuyobozi w’Akagari ka Nyakabanda ya mbere yabwiye Umuseke dukesha iyi nkuru ko uyu mugabo n’umugore we basanzwe bagirana amakimbirane kenshi ndetse ko no mu cyumweru gishize uyu mugabo yari yakubise umugore we hafi yo kumukuramo ijisho ariko amakimbirane aza gukemurwa n’ubuyobozi bw’umudugudu batuyemo.

Umwana mukuru wabanaga n’uyu muryango yavuze ko kuri uyu wa mbere nimugoroba, umugabo yatahanye akajerekani ka esssance agatangira gutonganya umugore ariho amakimbirane yaturutse kugera aho mu rukerera rw’uyu munsi yaje gutwika inzu yose agira ngo uyu mugore ahiremo.

Kuri ubu nta wahiriye muri iyi nzu kuko irondo ryatabaye ariko inzu yabo yo yahiye irakongoka ndetse na bimwe mu bikoresho byabo byahiriyemo.

JPEG - 123 kb
Inzu yahiye irakongoka

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza