Kwamamaza

POLITIKE Y’U RWANDA

U Rwanda tumeza nk’aho duhinyuza ibyari bikwiye kuba biriho: Mushikiwabo

Yanditswe

kuya

na

Alexis Musabirema
U  Rwanda tumeza nk’aho duhinyuza  ibyari bikwiye kuba biriho: Mushikiwabo

Minisitiri w’ubuganyi n’amahanga akaba n’intumwa ya leta Louise Mushikiwabo avuga ko u Rwanda rwavuye kure kandi ko intambara rurwana yo kwanga guhitirwamo uko rubaho izakomeza kandi ko zidakwiye kurutera ubwoba.

Ibi Minisitiri Mushikiwabo yabivugiye mu kiganiro yatanze mu nama nkuru ya FPR Inkotanyi yakomeje kuri uyu wa gatanu ku cyicaro cyayo kiri I Rusororo.

Minisitiri Mushikiwabo yavuze ko u Rwanda rwavuye kure kandi ko rumaze kugera kuri byinshi byiza, yavuze ko rubikesha kuba rwarahisemo kugendera ku murongo ushaka ibisubizo abanyarwanda bafite kurusha uko rwagendera kumurongo ibihugu by’amahanga byifuzaga.


Kaberuka,Gatare,Niyikiza,na Mushikiwabo nibo batangaga ikiganiro/photo Urugwiro

Minisitiri Mushikiwabo avuga ko u Rwanda rwanze gukora ibyo ibihugu bikomeye by’amahanga byifuzaga ko rukora.

Ati :”Abenshi bumvaga ko muri ibi bihugu bikomeye ndetse n’imiryango, muzi neza amateka y’imiryango ivuga ko idahagarariye kuri za leta yabaye hano mu gihugu igihe cya nyuma ya jenoside bumvaga ko byanze bikunze u Rwanda rudashobora kugera kubyo rwifuza kugeraho. Ko u Rwanda rugomba gutega amatwi rukumvira rukagendera mu nzira bo babyirukiyemo … Muri iyi myaka myinshi twanyuze mu bihe bikomeye , tunyura mu ntambara nyinshi zinyuranye za raporo ibihugu duturanye ibibazo bibayemo bikitirirwa u Rwanda ziriya ni intambara tuzakomeza kugira kandi zidakwiye kudutera ubwoba.”

Yavuze ko u Rwanda nk’igihugu rwahizemo inzira irubereye ati :”Twebwe nk’igihugu twifuje kubaho uko tubyifuza uko twifuza kubaho ntabwo bijyanye n’uko ibihugu bikomeye ndetse n’abandi bafite agatugu hanze aha bo batwifurizaga ni ukuvuga ngo u Rwanda tumeza nk’aho duhinyuza ibyari bikwiye kuba biriho.”


Mubakurikiranye iki kiganiro bagatanga n’ibiteklerezo barimo na Perezida Kagame/ foto Urugwiro

Nyakubahwa Mushikiwabo avuga ko ariyo mpamvu iyo habaye ibibazo bahora bisobanura kandi ko ari akazi bazahora bakora avuga ko kutagakora byaba bishatse kuvuga ko u Rwanda rwemeye kubaho uko andi mahanga ashaka ko rubaho.

Avuga ko ibi byose bidakwiye kubuza u Rwanda gukomeza inzira rwiyemeje kubaho kandi ko amateka y’u Rwanda yarubeye mabi ariko bashaka kuyahinyuza ndetse akaba yaranabasigiye isomo.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza