Kwamamaza

POLITIKE Y’U RWANDA

Rubingisa ukurikiranwe n’ubutabera yasimbujwe Tengera k’umwanya w’umuyobozi wungirije wa UR

Yanditswe

kuya

na

Jean Paul Niyitanga
Rubingisa ukurikiranwe n’ubutabera yasimbujwe Tengera k’umwanya w’umuyobozi wungirije wa UR

Tengera Kayitare Françoise niwe wasimbuye Rubingisa Pudence

Inama y’Abaminisitiri yateranye kuri uyu wa 08 Ugushyingo 2017 yagize Tengera Françoise Umuyobozi wungirije wa Kaminuza y’u Rwanda ushinzwe imari n’ubutegetsi asimbuye Rubingisa Pudence ukurikiranyweho ibyaha bijyane n’akazi yakoraga.

Mbere yuko Tengera ahabwa aka kazi yakoze imirimo itandukanye kuko kuva kuwa 13 Kamena 2016 Tengera Kayitare Francoise wasimbuye Rubingisa yagizwe umuyobozi w’agateganyo wa Koleji y’ubukungu n’ubucuruzi muri Kaminuza y’u Rwanda aho yari asimbuye Prof. Murty S. Kopparthi wari uvuye muri uyu mwanya.

Uyu Tengera kandi yanabaye umuyobozi w’ishami ry’Imari (Department of Finance) muri iyi Koleji y’ubukungu n’ubucuruzi (UR-CBE.)

Mu bindi Tengera yakoze harimo kuba yarabaye umwe mu bagize inama y’ubutegetsi muri RSSB, iyi Mirimo na yo yayihawe n’inama y’abaminisitiri yateranye tariki ya 5 Kanama 2015.

Ibigo birimo Action AID Rwanda, INATEK (UNIK), RIM, Don Bosco Iniciative na byo yabibereye umwe mu bagize inama z’ubutegetsi.

Rubingisa Pudence wasimbuwe na Tengera ubushinjacyaha bumukurikiranyeho ibyaha byo gutanga inyungu zidafite ishingiro ku masezerano kaminuza y’u Rwanda yagiranye n’abashoramari cyangwa ibigo bitandukanye.

Urukiko rwisumbuye rwa Nyarugenge rwamukatiye gufungwa by’agateganyo iminsi 30 ariko ajuririra icyo cyemezo mu rukiko rukuru.

Mu kwezi k’Ukwakira, Urukiko rukuru rwo rwaje gutegeka ko Rubingisa afungurwa by’agateganyo agakurikiranwa adafunzwe.

Tengera afite impamyabumenyi y’icyiciro cya gatatu cya Kaminuza mubijyanye n’Imari (Finance) yakuye muri Leta zunze ubumwe za Amerika.

Kanda HANO usome inkuru bijyanye unamenye abandi bahawe inshingano nshya.


Pudence Rubingisa wasimbuwe na Tengera

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza