Kwamamaza

POLITIKE Y’U RWANDA

Rubavu: Abagabo babiri n’umugore umwe bafatanywe ibiro 8 by’urumogi n’udupfunyika 1490

Yanditswe

kuya

na

Makuruki
Rubavu: Abagabo babiri n’umugore umwe bafatanywe ibiro 8 by’urumogi n’udupfunyika 1490

Kuri Sitasiyo ya Polisi ya Gisenyi hafungiye abagabo 2 aribo Senzoga Ntibategera w’imyaka 30 na Habineza Faustin w’imyaka 22, naho umugore witwa Umutesi Ngendahimana Mimi w’imyaka 42 akaba afungiye kuri Sitasiyo ya Polisi ya Kanama, bose bakaba bakurikiranyweho icyaha cyo gucuruza no gukwirakwiza ibiyobyabwenge.

Aba bagabo bakaba barafashwe ku itariki ya 9 Nyakanga, bafatirwa mu murenge wa Rubavu ari nawo bakomokamo mu mukwabu Polisi ifatanyije n’izindi nzego z’umutekano ndetse n’abaturage bakoze, naho Umutesi akaba yarafashwe ku itariki ya 10 Nyakanga, afatirwa mu murenge wa Nyundo mu modoka yavaga Rubavu yerekeza mu Mujyi wa Kigali.

Umuvugizi wa Polisi mu Ntara y’Iburengerazuba Chief Inspector of Police (CIP) Innocent Gasasira, yavuze ko aba bagabo bafashwe kubufatanye n’abaturage.

Yagize ati”Umuntu utamenyekanye yari afite uru rumogi, yikanze irondo ry’abaturage araruhisha, ariko ikigaragara yahise arangira aba bafashwe aho aruhishe kuko bahise bajyayo kuruhakura, nibwo abaturage bababonye bahita baduha amakuru duhita tubafata.”

Yakomeje avuga ko aba bombi bahise bajyanwa kuri Sitasiyo ya Polisi ya Gisenyi hakaba hagikorwa iperereza ngo n’uriya waruzanye afatwe.

Ku ifatwa rya Umutesi, yavuze ko nabwo ari amakuru yatanzwe n’abaturage, aho babwiye Polisi ko hari umugore ufite urumogi winjiye mu modoka ivuye Rubavu igiye mu mujyi wa Kigali.

Yagize ati:”Tumaze guhabwa ayo makuru, twahise dutangira gusaka imodoka zitwara abagenzi zigana mu mujyi wa Kigali, nibwo mu gikapu cya Umutesi twasanzemo turiya dupfunyika 1490 twarwo.”

CIP Gasasira yagiriye inama abacuruza bakanakwirakwiza ibiyobyabwenge ko bakwiye kubireka, bagakora indi mishinga ibabyarira inyungu aho kwishora mu bucuruzi nk’ubu butemewe n’amategeko bubashyira mu bibazo.

Yagize ati:”Amayeri yose bakoresha bakwirakwiza ibiyobyabwenge Polisi yarayamenye nibabireke, ikindi ni uko abenshi mu baturage bo mu Ntara y’Iburengerazuba bamaze kumva ububi bw’ibiyobyabwenge, mu bufatanye dufitanye nabo turimo gufata abantu babicuruza, kandi nta kindi bizabazanira kitari ukubahombya no kubateza ubukene, kuko ubifatanywe arafungwa agacibwa n’amande nabyo bikangizwa”.

Yongeye kwibutsa abantu ko unywa ibiyobyabwenge byangiza ubuzima bwe, bikanamutera kwishora mu bindi byaha bitandukanye.

CIP Gasasira yashimiye abaturage batanze amakuru kugirango aba banyabyaha bafatwe, anabasaba gukomeza ubufatanye n’imikoranire myiza bafitanye na Polisi, bakajya batanga amakuru ku kintu cyose babonye cyaza gihungabanya umutekano.

Baramutse bahamwe n’icyaha, bahanwa n’ingingo ya 594 y’igitabo cy’amategeko ahana y’u Rwanda ivuga ko umuntu wese ukora, uhindura, winjiza, ugurisha mu gihugu ibiyobyabwenge n’urusobe rw’imiti ikoreshwa nka byo mu buryo bunyuranije n’amategeko, ahanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni eshanu (5.000.000).

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza