Kwamamaza

POLITIKE Y’U RWANDA

Perezida Kagame yahawe impamyabumenyi y’ikirenga

Yanditswe

kuya

na

Canisius Kagabo
Perezida Kagame yahawe impamyabumenyi y’ikirenga

Nyakubahwa Perezida wa Repubulika y’u Rwanda Paul Kagame kuri uyu wa gatandatu tariki ya 2 Nyakanga 2016 yashyikirijwe impamyabumenyi y’ikirenga mu by’amategeko yahawe na Kaminuza ya Bahir Dar yo muri Ethiopia kandi akaba abaye umukuru w’igihugu wa mbere uhawe iyi mpamyabumenyi n’iyi kaminuza akiri ku buyobozi.

Perezida Kagame yashyikirijwe iyi mpamyabumenyi mu muhango wo gutanga impamyabumenyi ku banyeshuri barangije muri iyi kaminuza.

Uyu muhango kandi witabiriwe na Perezida wa Ethiopia Mulatu Teshome wanakiriye anashimira mugenzi we w’u Rwanda Perezida Kagame kuba yabashije kujya kwifatanya n’abanya Ethiopia muri uyu muhango.

Perezida Kagame yahawe iyi mpamyabumenyi hashingiwe ku ruhare rwe mu guhagarika Jenoside yakorewe Abatutsi mu Rwanda muri Mata 1994 ndetse n’uruhare rwe mu iterambere ry’igihugu.

Mu ijambo rye, Perezida wa Ethiopia Mulatu Teshome yabanje gushimira Perezida Kagame ku bw’impamyabumenyi yahawe ndetse anashima kaminuza yatekereje kuyimuha kandi avuga ko ari iby’agaciro kwakira Perezida Kagame muri iyi kaminuza ya Bahir Dar ndetse ko iki ari ikimenyetso gishimangira umubano mwiza uri hagati y’u Rwanda na Ethiopia.

Mu ijambo rye, Perezida w’u Rwanda Paul Kagame yashimiye abanyeshuri bose bahawe impamyabumenyi n’iyi kaminuza ndetse anashimira iyi kaminuza ku bw’impamyabumenyi yamuhaye.

Perezida Kagame yavuze ko iyi mpamyabumenyi ahawe ayibona nk’icyubahiro ku banyarwanda bitewe n’inzira baciyemo itoroshye baharanira kwibohora kw’igihugu cyabo.

Umukuru w’igihugu kandi yashimiye abaturage ba Ethiopia ku bufatanye bakomeje kwereka abanyarwanda, abasezeranya ko bazakomeza gukorana neza mu bikorwa binyuranye.

Biteganyijwe nyuma y’uyu muhango Perezida Kagame ari buhite agaruka mu Rwanda aho kuri wa mbere tariki ya 4 Nyakanga 2016 azaba yifatanya n’abanyawanda mu kwizihiza umunsi wo Kwibohora.

Perezida Kagame yitabiriye uyu muhango nyuma y’uruzinduko rwe n’umufasha we Jeanette Kagame bagiriye mu gihugu cya Tanzania ku munsi w’ejo tariki ya 1 Nyakanga 2016, aho afatanyije na Perezida wa Tanzania Dr John Magufuli mu gufungura ku mugaragaro imurikagurisha mpuzamahanga rya 40 riri kubera mu mujyi wa Dar Es Salaam.


Perezida Kagame ahabwa impamyabumenyi y’ikirenga

IBITEKEREZO

  • Sabrina bamurange Yanditse:

    Ni ukuri uwo musaza arashoboye kandi nakomereze aho Ari kutugenzahobyishyi

  • kayihura Yanditse:

    congx muzehe wacu turamushyigkiye kbx

  • Sam Yanditse:

    Congratulation to our President Paul KAGAMA to your hard work and sacrifice seen by all rwandans!may God still blessing you.

  • Sam Yanditse:

    Congratulation to our President Paul KAGAMA to your hard work and sacrifice seen by all rwandans!may God still blessing you.

  • -xxxx- Yanditse:

    nakomerezeahomuzehewacu

  • Kwizera Eric Yanditse:

    Ibinibyizabijebisanga ibindi yes yes umusaza. turakwemeracyane imana ikomeze ibashobozenibindibyishi!!!

  • Rwanda nkunda Yanditse:

    high congratulation to our Excellence president of our Rwanda country! Ethiopians, thanks alot for this action! let us be closed friends rwandans

  • Rwanda nkunda Yanditse:

    high congratulation to our Excellence president of our Rwanda country! Ethiopians, thanks alot for this action! let us be closed friends rwandans

  • NKUNDA URWANDA Yanditse:

    UMUSAZA WACU TURA MUKUNDA CYANE

  • Joseph Yanditse:

    Asante Sana Etiopia

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza