Perezida Kagame yasabye abayoboke ba RPF gutekereza ku wundi muyobozi nyuma ya 2024

1

Perezida Paul Kagame yasabye abayoboke b’Umuryango FPR Inkotanyi kumufasha gukorana ingufu muri manda y’imyaka irindwi iri imbere batekereza ku wundi muyobozi kugirango nyuma y’iyo myaka hatazongera kubaho impamvu zo kumusaba gukomeza kuyobora.

Yabitangaje kuri uyu wa Gatandatu mu ijambo yagejeje kuri kongere idasanzwe y’Umuryango, nyuma yo kwemezwa nk’uzahagararira ishyaka mu matora ya Perezida azaba muri Kanama uyu mwaka.

Perezida Kagame akaba n’Umuryango FPR Inkotanyi yatangiye avuga ko yakabaye ahagaze atanga inkoni ku wundi muyobozi.

Ati “Aha hantu ntabwo mpamenyera kandi mpanyura kenshi….Twari dukwiye kuba dushakisha uburyo umuyobozi utoranywa na RPF kuzayihagaraira mu matora y’uzayobora igihugu, njyewe akazi kanjye ari uguhereza undi inkoni nai nitwaje cyangwa se nari mbatwariye.Mu busanzwe niko byari bikwiye kuba bigenda kuko niko mbere byari byagenwe.

Ariko mu minsi yashize mwabihinduye muvuga ko ibizaba uyu munsi bizaba ukundi.Nta ruhare nabigizemo.Uruhare nabigizemo ni ukubibemerera kubera ko mwabinsabye.Hari n’ubundi byagiye biba, ntabwo aribwo bwa mbere.

Nta nubwo igitutu cyo kutabyemera cyangwa yo kungira inama yo kutabyemera cyari gike ariko cyari gike ugereranyije n’abansabaga kubyemera.Uyu munsi mwanzanye aha ngo mbyemere, amahitamo mfite gusa nshaka kubabwira nkuko nahoze mbigenza, nzabaha byose.Buri gihe nkora ibyo nshoboye.”

Perezida Kagame yabanje guhamagara Komiseri Gasamagera Wellars ushinzwe ubukangurambaga mu Muryango, ngo yumve amagambo agiye kuvuga anayasobanurire abadashobora kuyumva kubera ururimi.

Yakomeje agira ati “Dore uko bimaze kandi nshaka ko mutekerezaho.Ntabwo murahita munsubiza ubu ariko nshaka ko mubitekerezaho muzansubiza nyuma.

Twemeranye ko imyaka irindwi igiye kuza kuko kuva twabyemeje kandi nzi ingufu za RPF, tuzatsinda.Ndashaka ko mutekereza kuri iki mbasaba ko tuzakora ibintu mu buryo budasanzwe kandi cyane ku buryo mu myaka irindwi iri imbere twahererekanya bikava kuri umwe bijya ku wundi.Ku buryo icyatuma nkomeza kuyobora igihe kinini, kirangirana n’iyi myaka irindwi.Ndabibasabye mubitekerezeho.Uko niko kuri kuburyo nyuma y’imyaka irindwi, tutagaruka mu gutungurwa nk’ibyatubayeho.”


Perezida Kagame ageza ijambo ku bitabiriye inteko rusange ya FPR Inkotanyi

Perezida Kagame yavuze ko hari byinshi bitegereje Umuryango FPR n’abayoboke bawo.

Ati “Ibyo mvuga nuko hari byinshi tugomba gukora kandi bidutegereje.Mwansabye kugumaho narabikoze kandi nzakomeza gukorana ingufu zanjye zose dufatanyije, ku buryo dukomeza kugabanya ibyari bikenewe byatumaga nkomeza gusabwa gukomeza kuyobora.”

Yagaye urubyiruko n’abavuga ko batajya muri politiki, avuga ko igihe ubishoboye ntubikore uzayoborwa n’abo udashaka kandi ingaruka zikakugeraho.

Ati “Hari abavuga ngo oya sinshaka kujya muri politiki, urabyanga ejo urayoborwa politiki mbi, uyoborwa n’abayobozi batagukwiriye. Hari bari bataravuka n’abari bakiri bato muw’1994, ubu Mwaba ba perezida. Mugomba kwitoza kuba abayobozi babereye u Rwanda.”



Perezida Kagame yasabye abayoboke ba FPR gutangira gutekereza kuzamusimbura

Yakomeje avuga ko icyo ushaka kuba cyo ugihitamo kitaza nk’impanuka.

Yavuze ko ntawe ukwiye kukigenera uko ubaho yitwaje ubushobozi afite kandi ko n’iyo byaba udakwiye kubyemera.

Ati “Niba mwibuka ibyo twanyuzemo mu myaka 23 ishize, twagize abashyitsi benshi, twaganiriye byinshi.Hari abazaga bakavuga ngo bakurusha ingufu, baragutegeka kubw’ibyo bagashaka kugutegeka uwo ugomba kuba we…ntugomba kwemera ko hari ukurusha ibitekerezo byiza kandi ashaka kugutegeka.”

Yisangize Inshuti.

Ibitekerezo 1

Tanga Igitekerezo