Kwamamaza

POLITIKE Y’U RWANDA

Perezida Kagame yagaragaje umuti ku kibazo cy’Abanyarwanda bahungiye muri Zambiya n’ahandi

Yanditswe

kuya

na

Alexis Musabirema
Perezida Kagame yagaragaje umuti ku kibazo cy’Abanyarwanda  bahungiye muri  Zambiya n’ahandi

Perezida w’u Rwanda Paul Kagame yavuze ko impunzi z’Abanyarwanda ziri muri Zambiya ndetse no mu bindi bihugu zikwiye gutaha kuko ibyo zahunze byarangiye, cyangwa zikaba abaturage b’aho zahungiye gusa ngo byose bitaterwa n’ubushake bwazo.

Ibi umukuru w’igihugu Paul Kagame yabivuze ubwo we na mugenzi we wa Zambiya Edgarya baganiraga n’abanyamakuru mu isonzwa ry’uruzinduka Lungu yagiriraga mu Rwanda.

Tariki ya 31/12/2017 nibwo impunzi z’abanyarwanda ziri ku Isi hose zakuriweho icyemezo cy’ubuhunzi, zisabwa gutaha ndetse izabishatse zarafashijwe zirataha. Gusa izashatse kwibera abaturage baho zahungiye zigahabwa ubwenegihugu kubushake nazo zarabuhawe ariko ntizakomeza kwitwa impunzi.

Gusa kugeza ubu hari izitarataha kandi zitaranabona ubwenegihugu bw’aho zahungiye, hari n’ibihugu kandi byanze kubahiriza uyu mwanzuro wo gukuraho icyemezo cy’ubuhunzi ku banyarwanda babihungiyemo.

Kimwe mu bihugu byahungiyemo abanyarwanda benshi ni Zambiya , Perezida wa Zambiya yaramaze iminsi mu ruzinduko rw’iminsi ibiri mu Rwanda mu kurusoza we na mugenzi we w’u Rwanda bahaye ikiganiro abanyamakuru.

Perezida Kagame ubwo yabazwaga kuri iki kibazo niba hari icyo leta y’u Rwanda na Zambiya bari kukiganiraho yasubije uko abona iki kibazo cyakemuka.

Ati:”Hari ibintu bibiri navuga icya mbere ibyabagize impunzi byararangiye bariya bantu bakwiye kwisanzura bakagaruka mu gihugu cyabo. Ariko n’ibihugu byabakiriye bishobora kuvuga biti aba nabo ni Abanyafurika bene wacu dushobora kubafata tukabatuza babishatse, ariko byose byaterwa n’amahitamo yabo kuko ntiwahatira umuntu kuba umuturage wawe, kandi ntiwanahatira umuntu gusubira aho yaje ahunga.’

Perezida Kagame ariko yavuze ko impunzi z’Abanyarwanda ziri muri Zamabiya kimwe n’iziri mu bindi bihugu hazakomeza kurebwa uko ibibazo byabo byakemurwa ariko mu mucyo.

Ati :” U Rwanda ruzakomeza kuganira kuri icyo kibazo mu bihugu bitandukanye kimwe na Zambiya birimo izo mpunzi , kuri Zambiya ibiganiro bizakomeza kubaho mu buryo bwisanzuye mu mucyo bishoboka kandi hari ukumvina kwiza kugukemura iki kibazo tunakorana n’abandi dufatanyije si hagati y’ibihugu bibiri ahubwo n’abandi dufatanyije harimo n’Umuryango w’Abibumbye ufite mu nshingano impunzi.”

Perezida Lungu we yavuze ko bakira impunzi z’Abanyarwanda batazi ko harimo abanyabyaha kuko jenoside iba mu Rwanda batari bahari gusa ngo nyuma umuryango w’abibumbye waje gushyiraho uburyo bwabafashije kumenya abanyabyaha kandi barafatwa.

Yavuze ko niba kandi hari n’abagihari bazafatwa ,Ati “Turi mu bihugu byafashe abakekwagaho ibyaha boherejwe Arusha, ariko niba hari n’abagihari tuzabafata.”

Mu isozwa ry’uru ruzinduko rwa Perezida Lungu kandi we na mugenzi we Paul Kagame bongeye kugaragariza itangazamakuru ko bagiye gushyira imbere ubufatanye mu kuzamura umugabane wa Afurika ugatera imbere bafatanyije n’ibindi bihugu biwugize.

Mbere y’uko aba bakuru b’ibihugu byombi bagirana ikiganiro n’abanyamakuru kandi habaje no gusinywa amazeserano y’ubufatanye hagati y’ibihugu byombi.

Ibi bihugu byasinye amasezerano y’ubufatanye agera kuri ane (4), arimo ay’ubucuruzi, ishoramari, ikoranabuhanga, ndetse n’ububanyi n’amahanga.


Perezida Kagame yakira mugenzi we wa Zambiya Edgar Lungu mu Rugwiro


Abakuru b’ibihugu byombi bagiranye ikiganiro n’abanyamakuru


Hasinywe amasezerano y’ubufatanye ane

Inkuru & Amafoto: Alexis Musabirema

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza