"Papa Francis ntiyaza mu rugo rwa buri munyarwanda gusaba imbabazi" Min Mushikiwabo

1

Minisitiri w’Ubabanyi n’Amahanga, akaba n’umuvugizi wa Leta aravuga ko u Rwanda rwanyuzwe n’imbabazi zasabwe na kiriziya gatulika ku ruhare rwayo muri Jenoside yakorerewe Abatutsi mu 1994.

Tariki ya 20 Werurwe 2017, nibwo Perezida Kagame yagiriye uruzinduko muri Leta ya Vatikani, ku butumire bwa Nyirubutungane Papa Francis I, aho baganiriye ku mubano hagati ya Leta y’u Rwanda na Kiliziya gatulika.

Muri ibyo biganiro havuyemo ibintu by’ingenzi 3, harimo kuba Vatikani yarababajwe na Jenoside yakorewe Abatutsi mu 1994, kuba bifatanyije n’abanyarwanda bagizweho ingaruka na jenoside, icya gatatu ni uko kiliziya yemeye ko yakoze amakosa mu ruhare rw’abakirisitu n’abahiyimana bakoze jenoside.

N’Ubwo kiliziya gatulika yasabye imbabazi ku ruhare rwayo muri Jenoside yakorewe Abatutsi mu 1994, hari bamwe babifashe nk’urwiyerurutso ndetse ko izo mbabazi zidahagije.

Minisitiri w’Ubabanyi n’Amahanga, Madame Louise Mushikiwabo avuga ko imbabazi zasabwe na kiliziya gatulika zanyuze leta y’u Rwanda, uwaba abyumva ukundi ngo sibyo.

Yagize ati “intambwe kiriziya yateye muri uru ruzinduko, ni igikorwa gifatika, kigaragara cya Papa Francis. Ntabwo ari we wa mbere uyoboye kiriziya kuva jenoside yaba, ariko niwe wa mbere wasanze ko ari ngombwa guhura n’umuyobozi w’igihugu cy’u Rwanda bakaganira mu buryo bwiza, kugira ngo icyo kibazo kive mu nzira.”

Minisitiri Louise Mushikiwabo yongeyeho ko u Rwanda ruhagarariwe na perezida Kagame na kiliziya gatulika ikaba ihagarariwe na Papa Francis, bityo ko bitashoboka ko Papa asaba imbabazi buri mu nyarwanda wese wagizweho ingaruka na jenoside yakorewe Abatutsi.

Yagize ati “ leta ya Vatikani ifite umuyobozi wayo,ari we Papa Francis, aravugana n’u Rwanda nk’igihugu, byaba bidafite ishingiro kwibaza ko Papa azaza mu rugo rwa buri munyarwanda wiciwe agasaba imbabazi.”

Ku rubuga rwe rwa Twitter Perezida Kagame yanditse ko gushobora kwemera no gusabira imbabazi amabi yakozwe, ari ikimenyetso cy’ubutwari bwo ku rwego rwo hejuru ku ruhande rwa Papa Fransisiko.

Kuba Papa yarasabye imbabazi mu izina rya kiliziyab gatulika ku bw’uruhare yagize muri Jenosde yakorewe Abatutsi, byagaruye umubano uzira amakemwa hagati yayo n’u Rwanda.

Gusaba imbabazi kwa kiliziya gatulika ku ruhare rwayo muri Jenoisde yakorewe abatutsi byagarutsweho cyane mu nama y’Umushyikirano yabaye mu mpera za 2016, aho hasabwe ko Papa Francis yasaba imbabazi nk’uko bijya bikorwa no mu bindi bihugu abihayimana baba barakozemo ibyaha.

Mu mwaka ushize wa 2016 abapesikopi ba kiriziya gatulika basohoye inyandiko, isabira imbabazi abihayimana bateshutse ku nshingano zabo, bakishora mu gukora jenoside.

Yisangize Inshuti.

Ibitekerezo 1

Tanga Igitekerezo