Ntibitangaje kuba tutarakolonijwe neza, twakolonijwe n’igihugu turusha kuba ubukombe-Prof Mbanda

1

Prof Kalisa Mbanda,Perezida wa Komisiyo y’amatora yavuze ko ntawe ukwiye gutangazwa n’uburyo igihugu cy’Ububiligi cyakolinije nabi u Rwanda, kikarusiga mu bibazo bya politiki byakigejeje kuri Jenoside ykoerwe Abatutsi ngo kuko nacyo ubwacyo cyari kikiri gito mu myaka.

Yabitangaje kuri iki Cyumweru ubwo yasobanuriraga abanyamuryango bari bitabiriye kongere idasanzwe y’ishyaka PL, amabwiriza azagenga amatora ya Perezida wa Repubulika muri Kanama uyu mwaka.

Mbanda yavuze ko u Rwanda ari igihugu gikomeye, ari nayo mpamvu gihura n’ibibazo ariko kikabasha kubyivanaho.

Avuga ko igihe cyose abanyarwanda bashyize hamwe nta kibananira, ibyo bigaterwa n’imyaka igihugu kimaze.

Prof Mbanda asanga no kuba u Rwanda rwarakolinijwe nabi, byatewe nuko rwakolinijwe n’igihugu kitaraba ubukombe, hari ibyo kitarabasha kwiyubakamo ubwacyo.

Ati “...Mu Rwanda twebwe tugira Imana, dufite igihugu gikuze. Iki gihugu kirakuze. Muzi ko muri ya ndirimbo ibereye igihugu cyacu tuvuga ko abakurambere b’Intwari bakiranze, bakacyagura bakakidusigira kibaye ubukombe. Ibihugu byinshi harimo n’ibyadukolonije ntabwo biraba ubukombe. Hari ibihugu nk’Ububiligi bwadukolonije, bwaje kudukoloniza bumaze imyaka 60.Ntibyagudutangaza rero kubona tutarakolonijwe neza, twakolonijwe n’igihugu kitaraba ubukombe.

Ububiligi bwasinzwe mu 1830. Bwakolonije u Rwanda kuva mu 1916, busimbuye Ubudage bwari bumaze gutsindwa mu ntambara ya mbere y’isi yose.

Nyuma yo kugenda kw’Ababiligi, u Rwanda rwasigaye mu bibazo by’amoko yagejeje kuri Jenoside yakorewe Abatutsi mu 1994.

Mbanda avuga ko icyerekanye ko u Rwanda ari ubukombe, ari uko abanyarwanda ari nabo bahagaritse Jenoside kandi nyuma yayo bakongera bakicarana bakuba igihugu.

Ati “Iyo abanyarwanda bashyize hamwe nta kitunanira,hari n’ibyo dukora wabireba bikagutangaza ukibaza uko twabigezeho…twebwe turi ubukombe, tumaze iminsi turi igihugu kizwi. Ibyo bigira ingaruka nyinshi kandi nziza ziduha ubwenegihugu duhuriraho nk’umuryango nyarwanda.Kuko nta wabuza umwe mu bagize umuryango, kuza kwicarana n’abandi banyamuryango, niyo mpamvu twicaye aha.Twanze tubikunze turi abanyarwanda, turi bene mugabo umwe.Ibi birafasha cyane, byadufashije kuva muri Jenoside, turayikoraaa, turangije twibuka ko turi abavandimwe, duti nimuze twihane, dushingura icumu kubera ko turi umuryango umwe.”

Yakomeje avuga ko ubukombe bw’u Rwanda bugaragarira mu gusaranganya ubutegetsi kandi abaturage bakabasha kwitorera abayobozi, bakora ibyo ababatoye bifuza.

Ati “Umuyobozi ni ikintu gikomeye mu iterambere ry’igihugu.Bagirira igihugu vision, bakakigeza ku ntego bumvikanye n’abaturage.Byerekana ko igihugu ari icy’abenegihugu, ntabwo ari icy’abayobozi.Abayobozi baratorwa. Umuturage ni we shingiro rya byose, ari nabyo bitugeza ku iterambere.”

Yisangize Inshuti.

Ibitekerezo 1

  1. Better gusubira mubukoloni uyu musi! Byibuze nabeo bamwe bakwita abandi abanzi bigihugu

Tanga Igitekerezo