Kunyereza: Niyo waba warabaye cyangwa warashatse kuba Perezida ntibiguha ubudahangarwa- KAGAME

1

Perezida Kagame yashimangiye ko abantu banyereza iby’abandi ndetse n’ibya Leta bakwiye gukurikiranwa kandi ko n’abashatse kwiyamamariza kuyobora u Rwanda nta budahangarwa bafite bwo kudakurikiranwa mu gihe banyereje imitungo ya Leta.

Ibi Perezida Paul Kagame yabivugiye mu mbwirwaruhame yavugiye mu Nteko Ishinga Amategeko y’u Rwanda nyuma y’umuhango wo kwakira indahiro z’abagize guverinoma nshya yashyizeho kuri uyu wa 30 Kanama 2017.

Perezida Kagame ati "”Ntabwo abantu bajya banyereza ibintu cyangwa bangiza ibintu nkana ngo bumve ko hari ibyo igihugu kibagomba kurusha uko bo baba bafite icyo bagomba igihugu. Aba bantu banyereza imintu y’abantu barangiza bakirirwa babyigamba, niyo wa ba warabaye cyangwa warashatse kuba Perezida w’igihugu bikakunanira ntabwo biguha ubudahangarwa, ubwo abumva barumva icyo mvuga."

Perezida Kagame avuga ngo abumva barumva icyo avuga, ibitekerezo by’umwanditsi ntibyagiye kure gushakishiriza mu bagerageje guhatanira kuba abakandida bashayakaga kuyobora u Rwanda ntibikunde bafite aho bahuriye n’ibyinyerezwa.

Ibi ni byo shingiro ry’uko utakwirirwa utekereza Barafinda S Fred cyangwa Mwenedata Gilbert bashakaga guhatanira kwiyamamariza kuyobora u Rwanda ko ari bo Umukuru w’igihugu yashakaga kuvuga, ahubwo biganisha ku gutekereza Diane Rwigara wahataniye kwiyamamariza kuyobora u Rwanda ntibikunde , kuko ari nawe byatangajwe na Polisi y’u Rwanda ko ari gukorwaho iperereza ku byaha by’nyandiko mpimbano n’ibyaha byo kunyereza imisoro akurikiranyweho ku bigo by’ubucurizi by’Umuryango we.

Diane Rwigara washatse kwiyamamariza kuyobora u Rwanda, we n’umuryango we bari gukorwaho iperereza ku bijyanye no kunyereza imisoro

Uretse iki kibazo cyakomojweho mu ijambo rya Perezida Kagame, Umukuru w’igihugu yanagaragaje ko ababazwa n’umitungo ikomeza kunyerezwa ati " ”Ibintu bigomba gusobanuka, hashize igihe kinini bihoraho ubutabera, ubucamanza, bakitana ba mwana, abantu bakanyereza bakiba muma banki ,banki y’igihugu bakayiba amafaranga .. ugasanga miliyoni zaragiye abantu bagasinya byagera imbere y’ubutabera ugasanga bigize bitya… ibi bigomba guhagarara.”

Yagarutse no ku bantu batishyura inguzanyo avuga ko uyu muco ugomba gucika ati ”Nahoze nsoma ejo bundi babyanditse mu makuru, babantu bafite miliyari magana bafashe imyenda muma banki batishyura, abayabahaye bazi ko arinde uzabishyuza? ariko biba bityo kubera ko ni umuco ugenda ukimakazwa ntabwo twe twashobora gukora ibyo dushatse tuzi ingaruka.”


Kagame yagaragaje ko u Rwanda rudakwiye kuba nk’abandi barangwa n’umuco wo kunyereza kuko bo bafite ibyo banyereza yababwiye ko u Rwanda ntacyo rufite cyo kunyereza ahubwo ko rukwiye kubeshwaho no kwiyubaka no kugera intego zigararagara.

Yisangize Inshuti.

Ibitekerezo 1

  1. Nyakubahwa! Urababwira ariko ntibumva. Uzashyireho ka raiseau tujye tukwihera amakuru. Hari abo mutamenya barunduye ibigo bakozemo. Na auditing teams bakaziha akantu.

Tanga Igitekerezo