Musa Fazil, Tony Nsanganira na Imena Evode ntibagaragara muri Guverinoma nshya, abaguverineri 3 basimbujwe

3

Min Busingye (ibumoso), Francis Gatare na Amb Gatete bagarutse muri Guverinoma

Kuri uyu wa Kabiri, Perezida wa Repubulika Paul Kagame ku bubasha ahabwa n’amategeko yavuguruye Guverinoma, ashyiraho n’abandi bayobozi bashya mu nzego zitandukanye z’imiyoborere y’igihugu.

Zimwe mu mpinduka zitunguranye zabayeho, nuko Minisiteri y’Umutekano yayoborwaga na Sheikh Musa Fazil itagaragara ku rutonde rwa Minisiteri ziri mu gihugu, Minisiteri y’ubuzima yashyizwemo Dr Diane Gashumba wayoboraga iy’uburinganire n’iterambere ry’umuryango, Tony Nsanganira wari Umunyamabanga wa Leta muri Minisiteri y’Ubuhinzi n’ubworozi arasimbuzwa ndetse n’Umunyamabanga wa Leta ushinzwe ubucukuzi bw’amabuye y’agaciro Imena Evode, umwanya we ntugaragara mu yatangajwe.

Minisiteri yari iy’umuryango wa Afurika y’Uburasirazuba (MINEAC) yahurijwe hamwe n’iy’inganda ihabwa Francois Kanimba, naho Rugwabiza Valentine wayoboraga MINEAC agirwa uhagariye u Rwanda muri Loni.

Ba guverineri batatu, uwari uw’Intara y’Amajyaruguru Bosenibamwe Aime, uw’Iburasirazuba Uwamariya Odette n’uw’Iburengerezuba Mukandasira Caritas basimbujwe kuri iyo myanya.Bosenibamwe yasimbujwe uwari Meya wa Musanze Musabyimana Jeaan Claude.

Uko Guverinoma Iteye:

Minisitiri w’Intebe:Anastase Murekezi

Minisitiri w’Ubuhinzi n’ubworozi:Dr Mukeshimana Geraldine

Minisitiri w’Umutungo Kamere (ubutaka, amashyamba, ibidukikije n’ubucukuzi
bw’amabuye y’agaciro) Dr Vincent Biruta

Minisitiri w’Umuco na Siporo:Uwacu Julienne

Minisitiri w’Ibikorwa remezo : Musoni James

Minisitiri w’Ubutegetsi bw’igihugu: Kaboneka Francis

Minisitiri w’Imari n’igenamigambi: Amb Gatete Claver

Minisitiri w’Inganda, Ubucuruzi n’umuryango wa Afurika y’Iburasirazuba: Francois Kanimba

Minisitiri w’Ubuzima: Dr Diane Gashumba

Minisitiri w’Ubutabera/Intumwa Nkuru ya Leta:Busingye Johnston

Minisitiri w’Uburezi:Dr Papias Musafiri Malimba

Minisitiri w’abakozi ba Leta n’Umurimo:Uwizeye Judith

Minisitiri w’Ububanyi n’amahanga n’ubutwererane:Louise Mushikiwabo

Minisitiri w’uburinganire n’iterambere ry’umuryango:Nyirasafari Esperence
Minisitiri w’Ingabo:Gen James Kabarebe

Minisitiri muri Perezidansi ya Repubulika:Tugireyezu Venantie

Minisitiri muri Primature ushinzwe imirimo y’inama y’abaminisitiri:Mugabo Stella Ford

Minisitiri ushinzwe imicungire y’impunzi n’ibiza:Mukantabana Seraphine

Minisitiri w’urubyiruko n’ikoranabuhanga:Nsengimana Jean Philbert

Umwe mu bagize Guverinoma akaba n’umuyobozi wa RDB:Gatare Francis

Abanyamabanga ba Leta

- Muri Mineduc ushinzwe amashuri y’imyuga n’ubumenyingiro:Rwamukwaya Olivier

- Muri Mineduc ushinzwe amashuri abanza n’ayisumbuye:Munyakazi Isaac

- Muri Minaloc, ushinzwe imibereho myiza no kurengera abaturage:Dr Mukabaramba Alvera

- Muri Minecofin, ushinzwe igenamigambi: Dr Ndagijimana Uzziel

- Muri Mininfra, ushinzwe ingufu n’amazi:Kamayirese Germaine

Muri Mininfra, ushinzwe gutwara abantu n’ibintu: Dr Nzahabwanimana Alexis

- Muri Minisante, ushinzwe ubuzima rusange n’ubuvuzi bw’ibanze: Dr Ndimubanzi Patrick

- Muri Minisiteri y’ubutabera ushinzwe ibyerekeye Itegeko Nshinga n’andi mategeko: Uwizeyimana Evode

- Muri Minagri, ushinzwe ubuhinzi:Nsengiyumva Fulgence

Abaguverineri b’Intara

Intara y’Amajyaruguru:Musabyimana Jean Claude

Intara y’Uburasirazuba:Kazayire Judith

Intara y’Uburengerazuba:Mureshyankwano Marie Rose

Intara y’Amajyepfo:Munyentwari Alphonse

Abanyamabanga bahoraho

Muri Minaloc:Uwamariya Odette

Muri Minisiteri y’ubucuruzi, Inganda n’umuryango wa Afurika y’Iburasirazuba: Safari Innocent

Muri Ambasade y’u Rwanda I New York

Uhagarariye u Rwanda mu muryango w’Abibumbye:Amb Rugwabiza Valentine
Umujyanama ku rwego rwa Minisitiri:Bakuramutsa Feza

Mu zindi nzego

Umuhuzabikorwa w’ibikorwa byo mu muhora wa Ruguru:Hategeka Emmanuel

Umuyobozi Mukuru w’Ikigo cy’ubuhinzi n’Ubworozi: Dr Cyubahiro Bagabe Marc

Umuyobozi w’ikigo cy’ingoro ndangamurage z’u Rwanda:Masozera Robert

Umuyobozi Mukuru muri Minisiteri y’ubucuruzi, Inganda n’umuryango wa Afurika y’Uburasirazuba ushinzwe inganda, ibigo bito n’ibiciriritse Karenzi Annet.

Itangazo ryasinyweho na Minisitiri w’Intebe,Anastase Murekezi.

Yisangize Inshuti.

Ibitekerezo 3

  1. Fazil, Tony Nsanganira, Evode Imena, Bosenibamwe, Mukandasira, baba baragaragaje intege nke mu kazi cg hari amakosa yandi bazize?

Tanga Igitekerezo