Murekezi wari Minisitiri w’Intebe yageneye ubutumwa Paul Kagame wamuhinduriye imirimo

2

Murekezi Anastase wahoze ari Minisitiri w’intebe akaza gusimbuzwa Dr Ngirente yashimiye Perezida Kagame wamuhaye izindi nshingano.

Ubwo Perezida Kagame yashyiragaho amagize guverinoma bashya yaje guha Murekezi umwanya mushya amugira Umuvunyi mukuru.

Nyuma yo kubona uyu mwanya Murekezi Anastase yahise ashimira Perezida Kagame abicishije kuri twitter avuga ko yishimiye imirimo mishya ko ndetse n’igihe yari Minisitiri w’intebe yamuhaye icyerekezo cyiza.

Ati :”Ndashimira Nyakubahwa Paul Kagame ku cyerekezo cyiza yampaye igihe nari Minisitiri w’Intebe. Nishimiye inshingano nshya yampaye kandi Nzakomeza gukorana umurava.”

Ubwo Perezida Kagame yakiraga indahiro ya Dr Ngirente, Minisitiri w’intebe mushya kuri uyu wa gatatu tariki ya 30/8/2017 yashimiye Murekezi ndetse anamwizeza ko agomba guhabwa inshingano nshya.

Ati: "Ndagirango mbonereho n’umwanya wo gushimira uwari Minisitiri w"intebe Murekezi, yakoze byinshi byiza kandi bifite icyo byafashije twese kugirango tube twarageze ku nshingano muri icyo gihe cye yari ayoboye nka Minisitiri w’Intebe nagirango mbonereho umwanya mushimire na we."

Perezida Kagame yavuze ko ubwo bwitange bwaranze Murekezi azabukoresha mu yindi mirimo itari iyo kuba Minisitiri w’Intebe.

Ati: "Hari imirimo myinshi dutezweho twese, iyo udakora umurimo umwe ushobora gukora uwundi, Ndibwira ko Murekezi ubushake bwe, ubwitange bwe, n’ibyo yakoze bitari imfabusa ahubwo bizakomeza no mu yindi mirimo bitari ibyo kuba Minisitiri w’intebe gusa, Ibyo rero biraza gukurikiraho mu minsi iri imbere."

Murekezi asimbuye Madamu Aloysia Cyanzayire ku mwanya w’umuvunyi mukuru. Cyanzayire kuri ubu nta murimo numwe yashinzwe muri Leta.

Yisangize Inshuti.

Ibitekerezo 2

Tanga Igitekerezo