Kwamamaza

POLITIKE Y’U RWANDA

Mu matora ya Perezida, Dufite umugabo w’intarumikwa tuzashyigikira: PDC

Yanditswe

kuya

na

Alexis Musabirema
Mu matora ya Perezida, Dufite umugabo w’intarumikwa tuzashyigikira: PDC

Ishyaka riharanira demokarasi ihuza abanyarwanda (PDC) ryongeye gushimangira ko abayoboke baryo bazashyigikira Perezida Kagame mu matora y’umukuru w’igihugu ngo kuko babona ari umugabo w’intarumikwa.

Mu mahugurwa iri shyaka ryahaye abayoboke baryo bo mu mujyi wa Kigali ndetse n’abo mu karere ka Bugesera. Umuyobozi w’iri shyaka Mukabaranga Agnes n’abandi bamwungirije mu biganiro bahaye aba bayoboke babasabye kuzitwara neza mu matora y’umukuru w’igihugu ateganyijwe mu kwezi kwa 8 uyu mwaka wa 2017.

Aba bayoboke ariko babajije niba ishyaka ryabo ryaba rizatanga umukandida ngo na bo bazamuhundagazeho amajwi ariko basubizwa ko ishyaka ryabo ryafashe umurongo wo gushyigikira umukandida wa FPR Inkotanyi kuko basanzwe bafitanye ubufatanye.

Mukabaranga umuyobozi wa PDC udashidikanya ko FPR izatanga Paul Kagame nk’umukandida wayo yavuze ko bafashe umurongo wo kumutora nk’umugabo w’intarumikwa.

Ati :”PDC ubundi iyo ibishaka yari gutanga umukandida ariko muri aya matora ya Perezida wa Repubulika twe dufite aho duhagaze twavuze y’uko nk’uko twabivuze mu gihe cya kamarampaka dufite umugabo w’intarumikwa tuzashyigikira.”

Uyu muyobozi yavuze ko mu izina ry’abanyamuryango b’ishyaka rye yemeye ko bazatora Kagame kandi ko ibikorwa bye byivugira.

Ati :”Niyo bambajije jyewe ndabisubiza mu izina ryanyu! mba mbeshye? Nabibabwiye ibikorwa bye ibyo yemereye abanyarwanda kuva 2010 kugeze ubu iyo basesenguye basanga igipimo cy’ibikorwa bye ibyinshi biri hejuru ya 80 ku ijana (80%).”

Abanyamuryango b’iri shayaka kandi bongeye gusabwa kudaterwa ipfunwe no kuba abanyamuryango ba PDC ngo kuko ari ishyaka rikomeye rimaze igihe rikora kandi rifite ibikorwa ryagezeho.

IBITEKEREZO

  • paccy Yanditse:

    kagame abereye u rwanda.gusa uwamunyereka ngo mubaze ikibazo kimwe gusa cya mashuli yanjye.gusa Imana YAMUDUHAYE NITEGURUNDI MAZE ABA NA BACU BAZABYARIRE HEZA.NKAHO TWAREREWE.KAGAME NAWAMUSIMBURA ABEREYE URWANDA.

  • fkaaa Yanditse:

    hahaha hhaha umugati hafi ubuse kko nkaba batanga nde nimukomeze mwirire ayo FPR ibihera

  • kkkkk Yanditse:

    Ariko mwagiye mureka kubeshya mwa bantu mwe? Ngaho nibabategere mutange umukandida turebe ko hari uwo mubona? Maze mugashyeshyenga RPF, ngo twe tuzashyigkira umukandida wanyu! hahaha. RPF,oyeee! Ikipe ni rayon, idini ni Gatolika, ishyaka ni RPF, abandi bise ni uguherekeza.

  • Karamage Andre Yanditse:

    Amaco y inda gusa, ishyaka ki se ryatanga nde ubundi baribwiye ngo ritange umukandida

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza