Mpayimana yabuze amahirwe yo kuyobora u Rwanda arashaka kuba umudepite

Mpayimana Philpe uherutse gutsindwa mu matora y’umukuru w’igihugu akabura amahirwe yo kuyobora u Rwanda yatangaje ko aziyamamariza kuba umudepite umwaka utaha.

Mpayimana yabitangaje abicishije ku rubuga rwe abwira abanyarwanda baba mu mahanga ko azabavugira ibibabaje mu mahanga. Ati :”Ndabamenyesha ko nziyamamaza mu matora y’abadepite umwaka utaha, kandi ko nzakora byose ngo numvikanishe ibibahangayikishije mu mahanga.Imbere mu gihugu, nzakomeza kuzamura imyumvire kugira ngo hatazagira umunyarwanda wongera gufatwa nk’impunzi.”

Amatora y’abadepite azaba mu mwaka utaha wa 2018, Mpayimana yatsinzwe na Perezida Kagame bari bahanganiye kuyobora u Rwanda kuko yagize amajiwe 0.73% (amajwi 49 031naho Kagame wamutsinze agira 98.79% na Frank Habineza w’ishyaka DGPR wagize amajwi 0.48%.

Mpayimana Philipe ubu ari mu gihugu cy’Ubufaransa ku mugabane w’Uburayi ari naho asanzwe aba.

Yisangize Inshuti.

Ibitekerezo

Tanga Igitekerezo