Minisitiri w’Intebe yahagaritse ibikorwa by’amasengesho bikorerwa mu kazi ka Leta

1

Minisitiri w’Intebe Anastase Murekezi yahagaritse ibikorwa by’amasengesho mu nyubako za Leta byakorwaga na bamwe mu bakozi ba Leta.

Mu ibaruwa no 393/03.0, Minisitiri w’Intebe Anastase Murekezi yandikiye abaminisitiri bose abanyamabanga bahoraho n’abayobozi b’ibigo bya Leta, ifite impamvu igira iti “Guhagarika ibikorwa by’amasengesho mu a kazi ka Leta, yasabye inzego zose z’imirimo ya Leta kubahiriza ibikubiye muri iyi baruwa no kubigeza ku nzego zose zibishamikiyeho.

Minisitiri w’Intebe avuga ko abakozi ba Leta bafite amategeko abagenga ashyiraho amasaha bagomba gukora n’ayo bagomba kuruhuka.

Avuga ko umukozi wa Leta agomba gukora amasaha icyenda ku munsi akaruhuka imwe, kuva kuwa mbere kugeza kuwa gatanu.

Nkuko bigaragara mu itangazo, hashobora kuba hari abakozi birengizaga ayo mategeko bagakora ibikorwa byo gusenga mu masaha y’akazi kandi bakabikorera mu nyubako za Leta.

Murekezi yavuze ko bitandukanye n’amategeko, kubw’ibyo asaba ko bihagarara kuko binyuranyije n’amategeko.

Ibaruwa Minisitiri w’Intebe Murekezi yanditse

Yisangize Inshuti.

Ibitekerezo 1

  1. Ashyuuhuuu, urakoze uramze Kuvanaho amasengesho! Ubonye ibyo uvanaho...
    Ko n ubundi ari MWE twasengeraga... Nababwira iki? Tuzasengera mu mitima..no mu Ngo zacu
    RWANDA urakabije

Tanga Igitekerezo