Minisitiri Uwizeye yateye utwatsi abamushinja ubushinyaguzi, ntiyumva impamvu asabwa kwegura

41

Kuri uyu wa Mbere Minisitiri w’Abakozi ba Leta n’Umurimo Judith Uwizeye mu kiganiro n’abanyamakuru, yavuze imvugo itarakiriwe neza n’urubyiruko ndetse n’abandi badafite akazi, bamushinja ubushinyaguzi.

Imvugo yateje urunturuntu yavuzwe ubwo Abanyamakuru babazaga Minisitiri impamvu abayobozi badahanga imirimo kandi aribo bafite igishoro.

Minisitiri mu magambo atarakiriwe neza n’abayabwiwe yavuze ko bigomba kumvikana neza ko guhanga imirimo nta muyobozi bifitiye akamaro ahubwo bigafitiye ababikora bo bakeneye amafaranga.

Ati “Niba tuzi icyo dukora, tukaba dushonje, tukaba dushaka amafaranga, ya mirimo natwe ubwacu tuzashyiramo uruhare, tuzashyiramo ubushake mu kuyihanga…Ninumva nshonje, nshaka amafaranga, nanjye nzagira uruhare mu guhanga cyangwa mu gushyiraho icyamfasha kugira ngo mbashe gufungura.”

Minisitiri yongeyeho ko amafaranga afite amuhagije ati “Niba ntarabigeraho nk’umuyobozi ni uko amafaranga mfite ampagije, wowe utayafite gira uruhare mukuyashaka kuko ni wowe bifitiye umumaro, ntabwo ari umuyobozi”.

Mu Kiganiro kigufi yagiranye na Makuruki, Minisitiri yavuze ko ntawe yashinyaguriye kuko Leta idashinyagura.

Umunyamakuru:Minisitiri, nagirango mbabaze niba ubutumwa mwatanze ku munsi w’ejo bwarumvikanye uko mwifuzaga?

Minisitiri:Munyamakuru, urabizi iyo ushaka gushyira ikintu muri Context(Uburyo ) yacyo ugishyiramo cyangwa ukagishyira mu yindi .Ubwo umunyakakuru yagishyize muyo yashakaga ariko yakagombye no kubanza kumenya ngo ikibazo cyasubizwaga ni ikihe kandi byavuzwe mu yihe context.Ngirango nicyo yabanzaga kubanzirizaho.

Abanyamakuru barahatirije ari benshi ngo ariko abayobozi “nimwe mufite igishoro, ngo nimwe mufite amamodoka n’amazu, ngo mugende mube arimwe muhangira urubyiruko imirimo. Nanjye ndababwira nti ariko hari uruhare rwa Leta, hari urw’abandi bantu, hari n’uruhare rw’undi muntu ku giti cye ushaka akazi.

Nashakaga kumvisha abashaka akazi nabo, uruhare rwabo mu kugashaka kandi mbona arirwo runini kurusha urwa Leta cyangwa urw’umubyeyi… ntabwo ari ukuvuga ngo Guverinoma yashyize imirimo hariya uyishatse agende ayifate, ntabwo byakwiye kumvikana gutyo”.

Umunyamakuru: Hari Abanyarwanda bumvise ko washinyaguriye Abashomerii?

Minisitiri:Ntabwo Leta ishinyagurira abakene kuko abakene bayo ifite uburyo ibafasha, ariko niba umuntu atari umukene niyo mpamvu twashyizeho iyi gahunda y’ubukangurambaga kugirango abantu babashe kwihangira imirimo…ariko abagashaka bafite inshingano yo guhaguruka bagakorana na gahunda ziriho.

Kuba umunyamakuru yarabihaye umutwe n’icyo yifuza sinamurenganya, abantu bose bafite uko bumva ibintu nuko babisobanura, ariko icyo kuvuga ngo turi gushinyagurira abantu sicyo tugendereye. Ntitwashinyagurira abantu ngo niturangiza abantu barare badasinziriye bashaka uburyo ‘Environment’ yaba nziza”.

Umunyamakuru
:Bimwe mu bitekerezo byagusabaga kwegura cyangwa gusaba
imbabazi Abanyarwanda, urakora iki muri ibyo?

Minisitiri :Ngirango uwakazisabye ni uwabishyize muri Context itariyo, ariko njye sinumva ko namwe Abanyamakuru mwumva ko nta ruhare rw’usaba akazi kandi uruhare rwe arirwo runini mu gusaba akazi. Namwe Abanyamakuru mu ubaye mutabyumva gutyo sinzi ukuntu abantu babigenza ariko icyo nemera cy’ukuri ni uko twese dufite uruhare mu guhanga akazi kandi uruhare runini rufitwe n’ushaka guhanga akazi.

Kumva hari abantu bakiri aho batekereza ngo ariko nimuve muri iyo myanya mwisanishe natwe ngo muyihange kugirango tubarebereho, urumva ntabwo abantu bakomeza gukora gutyo.

Umushahara w’Abaminisitiri n’ibyo bagenerwa

Mu mwaka wa 2014, Perezida wa Repubulika Paul Kagame yasinye iteka rituma abayobozi bakuru b’igihugu bazajya bongezwa 10% by’umushahara nyuma ya buri myaka itatu. Aho Abaminisitiri bahabwa umushahara mbumbe ungana na 2.304.540 Frw buri kwezi gusa bakongerwaho amafaranga angana na miliyoni 5 yo kugura ibikoresho byo mu rugo n’amafaranga 500.000 yo kwishyura inzu.

Ibindi agenerwa birimo amafaranga afasha nyir’ubwite mu kwita ku modoka ye bwite hagendewe ku biteganywa n’Iteka rya Perezida rigena uburyo ibigenerwa abanyapolitiki bakuru b’Igihugu bivugwa muri iyi ngingo bitangwa rikanagena ingano yabyo.

Ni abumva imvugo nabi, cyangwa ni abavugisha ukuri cyane?

Ugereranyije nuko Abanyapolitiki mu Rwanda bitwaraga cyera wasangaga imvugo zabo zizimije zitwaga ‘ukuri kwa Politiki’ aho zavugwaga ntizakirwe nabi nubwo ibibazo byari byose mu banyarwanda.

Minisitiri w’ubuhinzi n’ubworozi, Dr Geraldine Mukeshimana nawe aheruka guhakana ko nta nzara iri mu Rwanda ahubwo abasuhuka baba bagiye gushaka akazi cyangwa se (Kwenjoyinga) Africa y’uburasirazuba.Iyi mvugo nayo yabaye nk’akarenze umunwa karushya ihamagara.

Ubusanzwe imitwarire y’abayobozi iteganywa n’itegeko ngenga ryo ku wa 10/09/2008 rigena imyitwarire y’abayobozi mu nzego za leta risaba abayobozi kurangwa n’imyitwarire myiza irimo guhwitura abo ayobora, kutaba tereriyo, kutaba nyamugwahashashe, kutaba nyamujyiyobijya, kutigira ikigirwamana, kudakorera mu bwiru n’ibindi.

Mu ngingo ya munani kandi hagaragaramo imyitwarire n’ibikorwa umuyobozi abujijwe aho mu gace ka munani harimo ko gukoresha imvugo n’ibikorwa bigamije gutesha umuntu agaciro, kugira ibikorwa cyangwa imvugo bigaragaza ko atihanganira ibitekerezo binyuranye n’ibye; kwiyitiranya n’urwego ayobora; kugira indi myifatire yose yamutesha agaciro cyangwa yatesha agaciro umurimo akora cyangwa urwego arimo n’ibindi.

@Eric Birori

Yisangize Inshuti.

Ibitekerezo 41

  1. Minister yavugishije ukuri none c iyo baguhaye ikizamini cy akazi ugikorerwa na minister ? Abacuruza Bose c igishoro bagihawe na na minister?ahubwo nimusabe uwiteka abafashe

  2. Minister yavugishije ukuri none c iyo baguhaye ikizamini cy akazi ugikorerwa na minister ? Abacuruza Bose c igishoro bagihawe na na minister?ahubwo nimusabe uwiteka abafashe

  3. Minister yavugishije ukuri none c iyo baguhaye ikizamini cy akazi ugikorerwa na minister ? Abacuruza Bose c igishoro bagihawe na na minister?ahubwo nimusabe uwiteka abafashe

  4. icyo nongeraho nanone kwifuriza mugenzi wawe ngo niyegure kumwanya yarariho ngo nuko ibyo yavuze bitumvishwe kimwe nababibwirwa numva ayariwo muti kuko uriya mwanya nawuzaho ntuhita uwujyaho. ahubwo twakagombye gusobanukirwa neza icya yatubwiye kuko atari kibi ahubwo cyari kigamije kutwigisha. sinumvako abayobozi bose bagomba kuduhangira imirimo ngo nuko bafite igishoro!! leta ntako itagize ngo tumenye ubwenge bwo kwihigira ubushobozi. twigire biri mundangagaciro zituranga.

  5. icyo nongeraho nanone kwifuriza mugenzi wawe ngo niyegure kumwanya yarariho ngo nuko ibyo yavuze bitumvishwe kimwe nababibwirwa numva ayariwo muti kuko uriya mwanya nawuzaho ntuhita uwujyaho. ahubwo twakagombye gusobanukirwa neza icya yatubwiye kuko atari kibi ahubwo cyari kigamije kutwigisha. sinumvako abayobozi bose bagomba kuduhangira imirimo ngo nuko bafite igishoro!! leta ntako itagize ngo tumenye ubwenge bwo kwihigira ubushobozi. twigire biri mundangagaciro zituranga.

  6. 1 | 2 | 3 | 4 | 5

Tanga Igitekerezo