Minisitiri Mushikiwabo yamaze amatsiko abibazaga byinshi kuri Pasiporo Nyafurika.

1

Minisitir Mushikiwabo Louise yamaze amatsiko abibazaga imikorere ya Pasiporo nyafurika

Nyuma y’umunsi umwe inama y’umuryango wa Afurika yunze ubumwe isojwe, kuri uyu wa kabiri Minisitiri w’ububanyi n’amahanga w’u Rwanda madamu Louise Mushikiwabo yagiranye ikiganiro n’abanyamakuru, abasobanurira uko iyo nama yagenze ndetse n’icyo isigiye u Rwanda ndetse anasobanura byimazeyo ibijyanye na pasiporo Nyafurika.

Imikoreshereze ya pasiporo imwe ku mugabane w’Afurika, ni kimwe mubyafashe umwanya munini abanyamakuru basobanuza uko izaba iteye, ndetse n’icyo abanyafurika bazayungukiraho cyane ko ubu mu minsi ya vuba ibihugu bigize umuryango wa Afurika y’Iburasirazuba, na byo bizaba byatangiye gukoresha pasiporo nk’iyi.

Mu kumara amatsiko abantu batandukanye bafite ku ikoreshwa ry’iyi Pasiporo, Minisitiri w’ububanyi n’Amahanga mu Rwanda yavuze ko iyi pasiporo nyafurika itaje gukuraho izindi zari zisanzwe mubihugu byo kuri uyu mugabane.

Yagize ati” iyi pasiporo ije korohereza abanyafurika kwisanzura ku mugabane wabo, nta nubwo ije gukuraho ibindi byangombwa byari bisanzwe. kandi ndumva gutunga pasiporo yo mu karere ka afurika y’Iburasirazuba ndetse n’izisanzwe hakiyongeraho n’iyi yo kumugabane wa Afurika nta kibazo kirimo kuko ni ibisanzwe cyane ko nubu hari abantu basanzwe batunze pasiporo zirenze imwe.”

Ku ikubitiro, iyi pasiporo yahawe abakuru b’ibihugu ndetse n’abandi bayobozi bakuru ku mugabane wa afurika nk’icyimenyetso cyo gutangiza iyi gahunda, ubu hakaba hakurikiyeho kureba uburyo ibihugu nabyo byajya bizitanga ku baturage babyo nkuko Madame Lousie Mushikiwabo yongeye kubigarukaho, anamara impungenge abibazaga ibya Viza.

Yagize ati:” iyi ni gahunda izatuma abanyafurika bisanzura mubihugu bigize uyu mugabane, buri wese akagenda yisanzuye nta kibazo. ibi bivuze ko umuntu azajya ava mu Rwanda yagera mu bindi bihugu akakirwa nk’umwene gihugu batamubajije viza. kimwe nuko abandi banyafurika na bo bazajya baza mu Rwanda, bakakirwa nk’abanyarwanda kuko icyo gihe tuzaba tumeze nk’abavandimwe.”

Ubundi ubusanzwe kwinjira mu gihugu runaka byasabaga umuntu kubanza kwishura amafaranga Visa ari na byo byacaga intege abantu bigatuma badakora ingendo mu bihugu bitandukanye, kuri ubu uzaba afite iyi pasiporo ngo azajya yinjira mu gihugu nta Visa abanje kwishyura.

Icyakora iyi Minisiteri ivuga ko iyi pasiporo izagira agaciro ku mugabane wa Afurika gusa, abashaka kujya hanze yawo bazajya baka ibyangombwa nk’ibisanzwe.

Mushikiwabo akomeza avuga ko iyi gahunda yakiriwe neza n’abanyafurika, by’umwihariko abakora ubucuruzi kuri uyu mugabane kuko batazongera gukerezwa no gushaka ibyangombwa.

Mu bindi yavuze ko iyi nama y’umuryango wa afurika yuzne ubumwe ngo isize u Rwanda ruyibyaje umusaruro muburyo bw’amafaranga.


Uzaba afite iyi pasiporo wese muri Afurika azajya atembera mu bihugu byose
nkujya iwabo

Muneza Ferdinand

MAKURUKI.RW

Yisangize Inshuti.

Ibitekerezo 1

  1. ikiguzi cyayo? aho izatangirwa donc uyisaba azajyana application hehe?
    Merci

Tanga Igitekerezo