Kwiyunga no kubabarirana niyo yari inzira y’ibanze yo kongera kwiyubaka: Perezida Kagame

1

Perezida Paul Kagame yavuze ko ubwiyunge no kubabarirana byari mu byangombwa by’ibanze u Rwanda rwasabwaga mu gutangira urugendo rwo kongera kwiyubaka nyuma ya jenoside yakorewe abatutsi.

Kagame ibi yabivugiye mu biganiro mpaka byabereye muri Amerika byahuriyemo abayobozi batandukanye muri politike no mu bucuruzi.

Perezida Kagame yarari kumwe na Jim Sinegal washinze Costco akanayibera umuyobozi ndetse na Bob Diamond umuyobozi wa Atlas Marchant Capital .

Iyi nama yibandaga ku nsanganyamatsiko yo kubabarirana.

Newtimes yatangaje ko Perezida Kagame yavuze ko nyuma ya jenoside yakorewe abatutsi mu mwaka wa 1994 ubumwe n’ubwiyunge mu gihugu byari ngombwa mu kongera kucyubaka.
.
Ati :” kubabarira no kwiyubaka nibyo byari ngombwa ,twari igihugu cyabuze buri kimwe twagomba gushaka inzira yo kubanza kwiyunga.”
Yavuze ko abanyarwanda bagomba kubanza kwisuzuma bakavuga ku byababayeho ndetse n’ibisubizo byabyo.

Ati :”Twarebanaga mu maso ubwacu tukabazanya tuti ni gute twakwiyunga ngo dutangire kwiyubaka. Twagomba kugira amahitamo nibyo twatekerezaga kubabarirana niyo yari amahitamo ya mbere twagombaga gukora buri kimwe cyasabwaga ngo twiyubake. Twagomabaga kugirana ibiganiro hagati yacu kubyatubayeho n’impamvu byabaye n’uko twabivamo.”

Perezida Kagame yavuze ko ukwo kwiyunga no kubabarirana ari ibisubizo byashakiwe imbere mu gihugu biciye mu muco w’abanyarwanda. Yavuze ko Gacaca uburyo bwo guca imanza mu muco w’abanyarwanda ari kimwe mu byakoreshejwe kandi ko yaciriye imanza abantu benshi mu gihe gito.

Ikindi yagarutseho ni Umuganda kimwe mu byafashije abanyarwanda kubaka igihugu cyabo ntawe basiganya.

Yisangize Inshuti.

Ibitekerezo 1

  1. HE P KAGAME OYEEEE
    IMANA IJYE IKUBA HAFI WARAKOZE
    IYO HATABA KUBABARIRANA MWADUTOJE URWANDA RUBA ARI RUBI
    ABANYARWANDA BAKUNDA UKURI TURAGUSHYIGIKIYE.

Tanga Igitekerezo