Kwamamaza

POLITIKE Y’U RWANDA

Ntabwo twabona umuntu uje ngo tumwirukane cyangwa tuvuge ngo ni umusazi-NEC

Yanditswe

kuya

na

Ferdinand Maniraguha
Ntabwo twabona umuntu uje ngo tumwirukane cyangwa tuvuge ngo ni umusazi-NEC

Icyicaro cya Komisiyo y’igihugu y’amatora


’Ngo ikindi gihe nibiba ngombwa ibisabwa k’ushaka kwiyamamaza hazongerwamo icyemezo cyo kwa muganga’

_NEC ngo ntawe yakwanga kwakira itazi ikumugenza

Komisiyo y’amatora yatangaje ko nibiba ngombwa mu gihe kizaza bazareba niba amategeko agenga amatora yavugururwa mu bisabwa abashaka kwiyamamariza umwanya w’umukuru w’igihugu hakazamo ibyemezo byo kwa muganga.Iyi komisiyo kandi yavuze ko nta munyarwanda n’umwe ishobora gusubiza inyuma mu gihe aje ashaka azanye ibyangombwa avuga ko ashaka kwiyamamza.

Tariki ya 3 na 4 Kanama, mu Rwanda hateganyijwe amatora ya Perezida wa Repubilika uzayobora u Rwanda mu myaka irindwi iri imbere.

Kuva kuri uyu wa Mbere tariki 12 Kamena Komisiyo y’amatora (NEC) iri kwakira ibyemezo ku bashaka kwiyamamariza umwanya wa Perezida.Mu byemezo byakirwa kandi biteganywa n’amategeko harimo icyemezo cy’uko ushaka kwiyamamaza ari Umunyarwanda, ikigaragaza ko nta bundi bwenegihugu afite, icyemezo kigaragaza ko atigeze akatirwa n’inkiko, ikigaragaza ko uwo muntu yatanzwe n’sihyaka abarizwamo (Imikono 600 ku mukandida wigenga y’abantu bemeza ko ukwiye kwiyamamaza), Icyemezo cyerekana ubwenegihugu bw’ababyeyi, icy’aho atuye, ikarita y’itora, n’ibaruwa yemeza ko ibyemezo byatanzwe aribyo.

Kuri uyu wa Mbere nibwo abashaka kwiyamamaza batangiye kujyana ibyangombwa byabo kuri NEC, abo bituzuye bagasubizwayo bakajya kubishaka.

Hari umwe mu bahaje witwa Barafinda Sekikubo Fred waje avuga ko ashaka kwiyamamaza, basanga ibyangombwa afite bituzuye bamusaba kujya gushaka ibibura.

Uyu mugabo w’imyaka 46 yatangaje benshi ahanini bashingiye kubyo avuga, uburyo abivugamo n’uburyo yitwaramo.

Kuri uyu wa Kabiri Sekikubo yiyemereye ko yatangeje kujyanwa mu bitaro i Ndera, gusa ntiyatangaje icyo yari yagiye kuvurwa.

Ku mbuga nkoranyambaga bamwe bavuze ko ashobora kuba afite ikibazo cyo mu mutwe, gusa we avuga ko ari muzima.Hari abandi bavugaga ko Komisiyo y’amatora itari ikwiye kumwakira ngo kuko byagaragaza nabi isura y’igihugu, hakaba n’abemeza ko gusaba kwiyamamaza ari uburenganzira bwe yemererwa n’amategeko nk’umunyarwanda.

Mu kiganiro Makuruki yagiranye na Munyaneza Charles, Umunyamabanga Nshingwabikorwa wa Komisiyo y’amatora, yavuze ko nta muntu n’umwe bashobora gusubiza inyuma aje abagana.

Yagize ati " “Ntabwo twabona umuntu uje ngo duhite tumwirukana, umuntu turamwakira tukareba ibyangombwa azanye ko biteganywa n’itegeko akaba aribyo dusuzuma ariko ntabwo twabona umuntu aturutse hariya ku irembo tutaranavugana ngo tumubwire ngo subirayo genda, ntabwo byaba aribyo.Kandi ntabwo wareba umuntu agenda hariya ngo uhite uvuga ngo ni umusazi cyangwa ngo ni ikindi kintu, umumenya ari uko wamwakiriye kandi ni uburenganzira bw’abantu.”

Munyenza yakomeje avuga ko mu mategeko NEC ikurikiza yakira abashaka kwiyamamaza, icyemezo cyo kwa muganga nta kirimo ariko ngo ikindi gihe bibaye ngombwa bishobora kwigaho bikazashyirwamo.

Ati “Ntabwo ubu twabishyiramo kuko biriya bigenwa n’amategeko.Ibyo dusaba biri mu itegeko ntabwo aritwe twandika tubisaba .Wenda ababikoze babonaga atari ngombwa simbizi ariko ubu nibiba ngombwa wenda ayo mategeko azavugururwa abantu bakazabireba ariko ni ikindi gihe ubu ntabwo byahita bijya mu itegeko.”

Kugeza ubu Frank Habineza w’ishyaka Democratic Green Party of Rwanda na Mwenedata Gilbert na Barafinda Sekikubo Fred nibo bamaze kumenyekana bajyanye ibyangombwa byabo kuri Komisiyo y’amatora.Bose uwabaga atujuje ibyangombwa byose bisabwa yasabwaga kujya kubishaka bitaenze iminsi itanu.

IBITEKEREZO

  • Emile Yanditse:

    nashyigikira caution nanjye

  • Hatari Musa Yanditse:

    Bazarebe ukuntu ubutaha ushaka kwiyamamariza kuyobora igihugu yajya atanga caution nibura 5.000.000 Frws,byagabanya akavuyo

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza