Kwamamaza

POLITIKE Y’U RWANDA

Kigeli nta cyaha yakoze cyatuma adatabarizwa mu Rwanda-Past Ezra Mpyisi

Yanditswe

kuya

na

Alexis Musabirema
Kigeli nta cyaha yakoze cyatuma  adatabarizwa mu Rwanda-Past Ezra  Mpyisi

Umuryango wo mu Rwanda w’umwami Kigeli V Ndahindurwa uherutse gutangira imahanga ukomeje inama yo gutegura uko bazana umugogo we mu Rwanda akaba ariho atabarizwa ngo kuko atagomeye u Rwanda kuburyo atarutabarizwamo.

Kuri uyu wa Gatanu abo mu muryango we bose babarizwa mu Rwanda biriwe mu nama bari kumwe n’umujyanama we pasiteri Ezra Mpyisi. Ngo ikibaraje inshinga ni ukuzuza umugambi wo kuzana umugogo wa Kigeli V Ndahindurwa agatabarizwa mu gihugu yakoreye kandi atagomeye.

Ibi ni ibyatangajwe na Ezra Mpyisi ubwo igice cya mbere cy’inama y’uyu muryango uba mu Rwanda cyarangiraga.

Ati "Icyo tuganira rero ni uburyo bwo kuzana umugogo we mu Rwanda agatabarizwa mu Rwanda kuko yimitswe n’abanyarwanda ibyago biraza abanyamahanga ,abazungu n’abayoboke babo baba aribo batuma ahunga u Rwanda akiza ubugingo bwe muzi ibyabaye abahitanywe n’icyo cyorezo.”

Ezra Mpyisi ndetse n’abo mu muryango wa Kigeli V Ndahindurwa ngo bababara umwami aramutse atabarijwe imahanga nk’uko Ezra Mpyisi yakomeje abivuga.

Ati:”Ari mu Rwanda nta cyaha yakoreye u Rwanda, ari mu mahanga mu ngorane nta cyaha yakoreye u Rwanda abo mu muryango we ndetse bafatanyije n’ubuyobozi bwa leta y’ubumwe bakabona y’uko nta cyatuma adatabarizwa mu Rwanda kabone n’ubwo muri ibyo hazamo ibibazo ariko igikuru ni uko atabarizwa mu Rwanda kuko yaragikoreye. Kuba atatabarizwa mu Rwanda rero yaba ahemukiwe n’abasigaye nanjye nk’umujyanama we icyifuzo ni uko yatabarizwa mu Rwanda, hagize ikiba ntatabarizwe mu Rwanda cyambabaza cyane.”

Ezra Mpyisi yabwiye abanyamakuru ko uretse kuganira ku kuba umugogo w’umwami wazanwa mu Rwanda ariko kandi ngo bari no kuganira ku kuba hari uzasigarana ikamba ry’umwami akimikwa nk’umwami gusa ngo ni ingingo bakiganiraho.

Ati "Icyo ni kimwe mubyo bakiga, ni kimwe mubyo bakigira hamwe.”

Tariki ya 16/10/2016 nibwo umwami Kigeli V Ndahindurwa yatangiye muri Leta Zunze Ubumwe za Amerika.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza