Kwamamaza

POLITIKE Y’U RWANDA

Kigali: Abakoreye ECOMAF Ltd barataka inzara, Rwiyemezamirimo ati, “Sibo bonyine bahangayitse”

Yanditswe

kuya

na

Bikorimana Alexis
Kigali: Abakoreye ECOMAF Ltd barataka inzara, Rwiyemezamirimo ati, “Sibo bonyine bahangayitse”

Abaturage bakoreye kampani ya ECOMAF Ltd ikora imiyoboro izifashishwa mu kuhira umuceri mu bishanga biherereye mu murenge wa Jabana n’uwa Nduba baratakamba ko bamaze amezi atatu bakora badahembwa kuko rwiyemezamirimo ahora abizeza ngo arabishyura bagategereza amaso agahera mu kirere.

Kuwa gatanu w’icyumweru gishize nibwo Rwiyemezamirimo wa ECOFAM Ltd yari yasezeranyije abakozi ko ariwo munsi ntarengwa wo kwishyurwa ariko abaturage bategereje ifaranga baraheba.

Bamwe mu baganiriye na Makuruki.rw bavuze ko rwiyemezamirimo (Fraҫois) ahora ababwira ko ahura n’ikibazo cy’amabanki atamuha amafaranga kubera ikibazo cya konekisiyo (Connection).

Umwe ati, “Nta Mituel turishyura kubera ko ari aha dutegereje amafaranga, ahora atubeshya ngo hari ibibazo bya konekisiyo muri banki sinibaza niba biramutse bibaye konekisiyo zikabura umunsi umwe sinkeka ko byagera mu mezi atatu zitaraboneka”

Bakomeje bavuga ko bamubajije niba MINAGRI yamuhaye akazi itaramwishyuye ngo bajye kwibariza uko bimeze akavuga ko bayamuhaye ikibazo ari icya banki, aho abaturage bavuga ko ibi ari ukubonka imitsi kuko amafaranga yayajyanye muri gahunda ze akibagirwa abayakoreye.

Umunyamabanga Nshingwabikorwa w’umurenge wa Jabana Ndanga Patrice yavuze ko iki kibazo yari atarakimenya kuko nta wamugejejeho ikibazo cy’uko amaze icyo gihe cyose adahembwa.

Umuyobozi wa ECOMAF Ltd Manirareba Fraҫois avuga ko kutabishyura atariwe ko byagiye biterwa na Konekisiyo za banki kandi ko nawe ahangayikishwa n’abakozi be.

Yagize ati “’N’ubu ndi uwa gatatu ngo konekisiyo zingereho, sibo bonyine bahangayitse nanjye ndahangayitse kuko ni abakozi banjye.”

N’ubwo abakoreye iyi kampani bavuga ko babayeho nabi kubera kutabona amafaranga bamaze amezi agera kuri atatu bakorera muri ECOMAF Ltd, ngo sibo bonyine kuko n’abacuruzi bahaye uyu rwiyemezamirimo ibikoresho ku ideni bategereje kwishyurwa amaso agahera mu kirere.

JPEG - 57.5 kb
Abaturage bakoreye Kampani ya ECOMAF Ltd bavuga ko babayeho nabi kubera kutishyurwa amafaranga bakoye amezi atatu akaba yihiritse batazi uko ifaranga bakoreye rimeze

Ndahiro Valens Pappy/@Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza