SA: Urukiko rw’Ikirenga rwasabwe gusubiramo icyemezo cy’ubuhunzi kuri KAYUMBA NYAMWASA

Kayumba Nyamwasa yahungiye muri Afurika y’Epfo kuva mu 2010

Itsinda rishinzwe impunzi n’abimukira muri Afurika y’epfa ryasabye urukiko rw’ikirenga gusubiramo icyemezo cyo guha ubuhunzi umunyarwanda Kayumba Nyamwasa watorotse ubutabera bw’u Rwanda agahungira muri icyo gihugu mu mwaka wa 2010.

Kuba Kayumba Nyamwasa yakatiwe n’urukiko rukuru rwa gisirikare rw’u Rwanda adahari gufungwa imyaka 24 ndetse akanamburwa impeta zoe za gisirikare nibyo byatumye itsinda rishinzwe abimukira n’impunzi muri Afurika y’Epfo’CORMSA’ rifatanyije n’ikigo cy’abanyamategeko muri Afurika y’Epfo ‘SALC’ basaba Leta y’iki gihugu kubahiriza uburyo bwo gutanga ubuhingiro mu rwego rwo guharanira ko Afurika y’Epfo itaba indiri y’abanyabyaha.

Nk’uko ikinyamakuru Times cyandikirwa muri Afurika y’Epfo kibitangaza, cyavuze ko CORMSA yitabaje urugereko rw’ubujurire mu rukiko rw’Ikirenga rw’Afurika y’Epfo ku mwanzuro wo guha ubuhungiro Kayumba Nyamwasa ibi babikoze nyuma yo kwangirwa kujuririra urukiko rukuru rwa Gauteng.

Iri tsinda rijuririra ko Kayumba yahawe ubuhungiro na Afurika y’Epfo batitaye ko amabwiriza y’impunzi avuga ko abantu bakurikiranyweho ibyaha by’intambara batemererwa ubuhungiro muri iki gihugu.

Iki kibazo umuyobozi wa SALC Kaajal Ramjathan-Keogh, avuga ko gifite uburemere bukomeye cyane kuko Afurika y’Epfo itanga ubuhunzi mu buryo budasobanutse aho yibanze cyane k’urugero rwa Kayumba Nyamwasa.

Yagize ati”Afurika y’Epfo iri gufatwa nk’indiri ku bantu bakurikiranyweho ibyaha, ibi ntabwo bigomba gukomeza.Uburyo bw’ubuhunzi bubereyeho gufasha abari kurengana aho kuba ubuhungiro bw’abakekwaho kurengaya abandi.”

Kayumba Nyamwasa wahungiye muri Afurika y’Epfo guhera mu mwaka 2010 akurikiranyweho n’u Rwanda ibyaha by’intambara, kurema umutwe w’itera bwoba, gutoroka igisirikare, kubangamira umutekano w’igihugu no kubiba amacakubiri mu banyarwanda.

Muri 2011, ni bwo urukiko rukuru rwa gisirikare rwakatiye Kayumba Nyamwasa igihano cyo gufungwa imyaka 24 no kwamburwa impeta zose za gisirikare nyuma yo kumuhamya ibyo byaha akurikiranweho.

Yisangize Inshuti.

Ibitekerezo

Tanga Igitekerezo