Kwamamaza

POLITIKE Y’U RWANDA

Gasabo: Aborozi bo mu mirenge y’Umujyi basabwa kwirukana amatungo yabo bagasigarana injangwe n’imbwa

Yanditswe

kuya

na

Editor1
Gasabo: Aborozi bo mu mirenge y’Umujyi basabwa kwirukana amatungo yabo bagasigarana injangwe n’imbwa

Abafite amatungo atandukanye mu Mirenge ifatwa nk’iy’Umujyi mu karere ka Gasabo irimo Gatsata, Kinyinya, Kimironko n’ahandi hatandukanye baravuga ko batabaza umukuru w’igihugu kubera icyo bita akarengane ko kwirukanirwa amatungo yabo arimo n’inka bahawe muri Girinka

Aba baturage bavuga ko iyi nkubiri yo kwirukana amatungo yabo yatumye atakaza agaciro kuko ababuze aho bayashyira bahisemo kuyagurisha ku giciro gitoya.

Bavuga ko ihene yagurwaga amafaranga ibihumbi 50 iri kugurwa ibihumbi 10 kuko babuze aho bazerekeza inka zikaramburuzwa kugirango zibagwe, abaturage bakaba bavuga ko ari akarengane barimo gukorerwa n’ubuyobozi cyane ko bamwe banafite ibyangombwa by’ubutaka bivuga ko ari ubwo guhinga.

Umuturage umwe mubo twaganiriye yagize ati”Turasaba Perezida wa Repubulika atugarurire umutekano w’amatungo yacu n’ubwo ataduha n’amatungo ariko tukigurira tukorora.”

Undi nawe ati:”Perezida wa Repubulika twamusaba kutworohereza akaturenganura kuko turi mu karengane ntitwabaho tutoroye.”

Abaturage bavuga ko iyi nkundura yatumye amatungo yabo ata agaciro kuburyo n’izihaka badatinya kuziramburuza ati:”Iyo bakubwiye ngo witunga inkoko, cyangwa ihene kandi aribyo byari bidutunze byatuyoboye, inka zo zashize n’ejobundi hari umukecuru wagurishije iyahakaga n’ihene n’uko tubura uko tugira tukazitangira ubusa busa n’abagiye bazirya baraziramburuzaga.”

Aba baturage bavuga ko ubusanzwe ari abahinzi ndetse n’ibyangombwa by’ubutaka bwab bikaba biriho ko ari ubwo guhingaho bakibaza rero ko guhinga batorora batabona ifumbire ibintu bavuga ko byatuma barumbya.

Bavuga ko aya matungo yabo bari barayubakiye ibiraro bayororeramo ndetse na bamwe mubo umunyamakuru wacu yasuye yasanze amatungo akiri mu biraro ariko bose bavugaga ko umutima udiha.

Bavuga ko bahawe amabwiriza ko amatungo bemerewe gusigarana ari injangwe n’imbwa kuko n’inka bahawe muri Girinka batemerewe kuzororeraho ati :”Nk’inka batanze muri Gir’inka umumaro wazo uzaba uwuhe? Bazitanze kugira ngo zijye zitanga izo mitiweli, amata akaboneka ariko ni ukuvuga ngo niba bavuze ngo muri Gasabo ngo nta matungo bashakamo kandi yaradufitiye akamaro ngo icyemewe ngo ni imbwa n’injwange ,nawe ibaze ngo mu matungo imbwa n’injangwe nibisimbura inka n’ihene ni ikibazo!!!.”

Bavuze ko kwirukana aya matungo yabo shishitabona bizagira ingarukao ku miryango yabo kuko batizeye kuzongera kubona ifumbire ibafasha mu buhinzi ndetse n’amata ndetse ngo byanabafashaga kubona mitiweli.

Bavuga ko batabanaga nayo matungo mu nzu kuko zari zifite ibiraro ndetse ngo banazahiriraga nta tungo ryajyaga hanze kurisha.

Iki ni igikorwa kiri gukorwa mu mirenge ifatwa nk’iy’imijyi yo mu turere twose two mu mujyi wa Kigali. Ubwo umunyamakuru wacu yakoraga iyi nkuru yagerageje kuvugisha Minisitiri muri Minisiteri y’ubutegetsi bw’igihugu ariko ntibyamukundira gusa turakomeza kugerageza aho tumubonera akatubwira kuri izi mbogamizi z’aba baturage turabibagezaho.

Turacyageregeza kuvugisha n’izindi nzego zibishinzwe yubuhinzi n’ubworozi mu Mujyi wa Kigali, tukazabagezaho icyo batangaza kuri iyi gahunda

Ndahiro Valens Pappy/@Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza