FPR Inkotanyi mu mujyi wa Kigali yatoye Paul Kagame nk’uzayihagararira mu matora ya Perezida

1

Inteko rusange y’Umuryango FPR Inkotanyi ku rwego rw’umujyi wa Kigali, kuri uyu wa Gatandatu yatoye Paul Kagame nk’umukandida uzabahagararira ku rwego rw’igihugu, mu matora yo gushaka uzahagararira ishyaka mu matora ya Perezida wa Repubulika azaba tariki 3 na 4 Kanama uyu mwaka.

Muri iyi mpera y’icyumweru nibwo abanyamuryango ba FPR Inkotanyi ku rwego rw’Intara n’Umujyi wa Kigali baratora ubahagararira ku rwego rw’igihugu mu gushaka uzahagararira ishyaka ryose mu matora.

Inteko itora mu mujyi wa Kigali yari igizwe n’abanyamuryango ba RPF-INKOTANYI baturutse mu turere dutatu tugize umujyi wa Kigali aritwo Kicukiro, Gasabo na Nyarugenge. Hari harimo abakangurambaga b’uyu muryango ku rwego rw’imidugudu yose igize umujyi wa Kigali,abahagarariye urubyiruko, n’abayobozi ba RPF-INKOTANYI guhera ku rwego rw’umudugudu.

Inteko itora yari igizwe n’abanyamuryango bagera ku 2434 bagombaga gutora umukandida waturutse muri buri karere mu tugize umujyi wa Kigali,ariko utu turere twose tukaba twari duhuriye k’umukandida umwe rukumbi ari we Paul Kagame.
Nyuma yo gutora no kubarura amajwi,batangaje ko,abanyamuryango bose bagize inteko itora ku rwego rw’umujyi wa Kigali batoye Paul KAGAME ku ku kigero cya 100 %.

Umuyobozi wa RPF-INKOTANYI ku rwego rw’umujyi wa Kigali Nyamulinda Pascal yashimiye abanyamuryango ku gikorwa cyiza bamaze gukora maze aboneraho kubasaba kuzafatanya mu bikorwa byo kwiyamamaza k’uyu mukandida bitoreye kugira ngo azabashe gutsinda amatora.


Inkuru irambuye mu kanya...

Emmanuel Murwanashyaka

Yisangize Inshuti.

Ibitekerezo 1

Tanga Igitekerezo