Depite Nyandwi Desire yitabye Imana

84

Depite Nyandwi Joseph Désiré yitabye Imana kuri uyu wa Gatanu tariki ya 14 Ukwakira 2016.

Amakuru y’urupfu rwa Depite Nyandwi yemejwe na Depite Mukama Abbas, Visi Perezida w’Inteko Ishinga Amategeko, umutwe w’abadepite, mu kiganiro kigufi yagiranye na Makuruki.

Depite Mukama yavuze ko Hon Nyandwi yari amaze iminsi ibiri arwariye mu bitaro byitiriwe umwami Faisal.

Depite Bazatoha Adolphe yavuze ko Depite Nyandwi yari umukozi mwiza kandi w’indahemuka.Yavuze ko no muri iki cyumweru bari kumwe mu kazi, ngo mu minsi ibiri ishize nibwo bahamagawe babwirwa ko Ambulansi imujyanye mu bitaro.

Yagize ati "“Yari umuntu ukunda umurimo, ukora ubushakashatsi ku bibazo byose ashinzwe gukemura.kandi akaba yari umuntu wari uzi iyi Nteko n’imikorere yayo. Yari azi cyane ibijyanye n’ubuhinzi n’ubworozi yakundaga, akabikorana ubuhanga n’ubushishozi.

Twese twamubonye aha muri iki kibuga muri iki cyumweru, twumviye hariya ko mu minsi ibiri ishize yarwaye. Nanjye twahagararanye aha turavugana , turaganira tubazanya amakuru kuko ariho twari tukiva mu biruhuko by’ukwezi kwa munani, ubona umuntu ari muzima.

Ejo bundi ngo yararwaye (ni inkuru numviye aha) arwarira mu rugo batumiza ambilansi imujyana kwa muganga, uyu munsi batubwiye ko yapfuye.Apfuye nk’uko Mucyo yapfuye.Yari umugabo witonda,ubaho mu buzima bwitonze koko ubona bucishije make.”

Urupfu rwa Depite Nyandwi rukimara kumenyekana, imirimo mu Ntekon Ishinga Amategeko yahise isubikwa. Umunyamakuru wacu Mugemanyi Jean Paul uri mu Nteko Ishinga Amategeko, yavuze ko ibiganiro byo kwizihiza umunsi wa Demokarasi byari biri kubera mu Ngoro y’Inteko byahise bisubikwa.

Hon Nyandwi w’imyaka 62, yari umudepite mu Nteko Ishinga Aamategeko y’u Rwanda, akomoka mu Karere ka Nyamagabe mu Ntara y’Amajyepfo, akaba yari umuyoboke w’ishyaka FPR-Inkotanyi.

Kuva tariki ya 29 Ukwakira 1994 kugeza tariki 07 Gashyantare 1999 yari Perefe w’iyahoze ari Intara ya Gitarama. Guhera tariki ya 08 Gashyantare 1999 kugeza 19 Werurwe 2000, yabaye Minisitiri w’Ubutegetsi bw’igihugu.Kuva tariki 11 Werurwe 2000 kugeza 15 Ugushyingo 2002 yari Minisitiri w’ubutegetsi bw’igihugu n’imibereho myiza y’abaturage.

Hon Nyandwi kuva tariki 20 Ugushyingo 2002 kugeza 22 Kanama 2003 yari umudepite mu Nteko Ishinga Amategeko y’Inzibacyuho.Guhera tariki ya 10 Ukwakira kugeza ubu yari Umudepite mu Nteko Ishinga Amategeko y’u Rwanda.

Yisangize Inshuti.

Ibitekerezo 84

  1. hon nyandwi RIP ninzirayatwese . Twihanganishije umuryangowe abana God of heaven be with them. May God be with all family of father nyandwi.

  2. 1 | 2 | 3 | 4 | 5 | 6 | 7 | 8 | 9

Tanga Igitekerezo