Ambasade y’Amerika yatangije ubundi bukangurambaga bushishikariza abanyarwanda gusoma

Ambasaderi wa America mu Rwanda Erica J. Barks-Ruggles.

Ambasade y’Amerika mu Rwanda yongeye gutangiza ku mugaragaro ubukangurambaga bwo gusoma ‘Everybody Reads Rwanda Campaign’ bugamije gushishikariza abanyarwanda gusoma. Muri iki gikorwa bahitamo igitabo bakagitanga mu bigo by’amashuri bisaga 20 buri mwaka.

Ubu bukangurambaga bwatangijwe kuri uyu wa Kane tariki ya 15 Nzeri 2016, ni igikorwa cyari cyitabiriwe na Ambasaderi wa America mu Rwanda Erica J. Barks-Ruggles.

Mu gutangiza ubu bukangurambaga hatangajwe igitabo batanze mu mashuri kitwa Number the Stars cyo mu (1989) cyanditswe n’umwanditsi w’umunyamerika Lois Lowry kivuga amwe mu mateka y’intambara ya kabiri y’isi.

Ambasaderi Erica J. Barks-Ruggles, Mu ijambo rye yavuze ko ibi bikorwa binyuzwa mu mishinga ikorera mu bigo by’amashuri bitandukanye aho buri mwaka hatangwa ibitabo bigera kuri 500 ndetse bikazaganirwaho mu biganiro mpaka.

Yagize ati: “ Iyo Abaranyeshuri barangije gusoma ibitabo, Ambasade ikorana n’ibigo hakaba ibikorwa byo kubiganiraho bavuga ibyo basomye ndetse n’ibitekerezo bungukiye mu nkuru iba yanditse muri icyo gitabo.”

Ngo ubu ni uburyo bumwe muri bwinshi Guverinoma y’Amerika ifashamo u Rwanda ibinyujije mu bigo by’amashuri mu rwego rwo gushishikariza abanyarwanda cyane cyane abakiri bato gusoma ibitabo.

Gusa nubwo ibi bitabo bitangwa muri gahunda yo gushishikariza abantu gusoma
Ngo inagamije gutuma abantu bavuga kandi bumva ururimi rw’icyongereza neza cyane cyane ko iki gitabo gishyirwa no mu isomero ry’Ambasade ugishatse wese akagisoma.

Iyi gahunda yatangiye mu mwaka wa 2012 aho kuva iyi gahunda yatangira hamaze gusomwa ibindi bitabo bitanu birimo; A Lesson Before Dying cyanditswe na Ernest J. Gaines; Five People You Meet in Heaven cyanditswe na Mitch Albom( 2003); Charlotte’s Web kigenewe abana cyanditswe na E. B. White ndetse gitangazwa mu 1952 na A Wrinkle in Time kivuga ibijyanye na siyansi cyanditswe na Madeleine L’Engle, gisohorwa 1963.

Abanditsi b’ibi bitabo byose ni Abanyamerika.

JPEG - 127.6 kb
Igitabo kizasomwa uyu mwaka


Abanyeshuri b’abanyarwanda bashishikarijwe gusoma ibitabo

Yisangize Inshuti.

Ibitekerezo

Tanga Igitekerezo