Abadepite bipfutse mu maso bumvise amafaranga Kaminuza y’u Rwanda yahombye ku isoko rimwe

12

Bamwe mu badepite barimo na Nkusi Juvenal uyobora PAC batangajwe n’igihombo UR yateje Leta bipfuka mu maso

Komisiyo y’Inteko Ishinga Amategeko Ishinzwe kugenzura ikoreshwa ry’umutungo wa Leta(PAC) ubwo yakiraga abayobozi ba Kaminuza y’u Rwanda yasabye ubushinjacyaha gukurikirana ikibazo cyatumye inyubako ya miliyari eshatu itarubatswe kandi Leta igahomba miliyoni 900.

Intandaro y’ikibazo ni inyubako yari kubakwa muri Kaminuza y’u Rwanda ishami rya Nyagatare yitwa Nyagatare VET Complex yagombaga kubakwa na Sosiyeti Exert & cheon Kwanga enginnering group.

Iyo nyubako yagombaga gutwara asaga miliyari eshatu, ariko sosiyete yagombaga kuyubaka ihabwa amafaranga asaga miliyoni 972 kandi yaravuyemo inyubako itarangiye, mu gihe akazi yari yarakoze katari gahwanye na ½ .

Byatangaje abadepite cyane kumva ko Rwiyemezamirimo nyuma yo guhabwa 20% yemererwa n’amategeko angana na miliyoni 664 z’amafaranga y’u Rwanda, yarongewe andi angana na 14%( nkuko twabibwiwe n’umuyobozi ubishinzwe) angana na miliyoni 300 nta kindi yakoze.

Ibi byatumye Depite Nkusi avuga ko iyi ari ruswa kuko bitumvikana uburyo rwiyemezamirimo yasaga nk’uwahagaritse imirimo ariko akaza kongera akishyuza amafaranga y’imirimo itakozwe akayahabwa binyuze mu nzego nyinshi nta mananiza.

Yagize ati “ Niba yarakoze imirimo iri munsi ya ½ murumva atari ruswa, hari ahandi wayivugira. Miliyoni zisaga 600 ni ikintu kinini, urumva ko atayajyanye wenyine, none ngo barasesa amasezerano gusa n’igihombo igihugu cyagize!”.

Depite Karenzi Theoneste na we yavuze ko akeka ko iyi ruswa yaba iri hagati y’uwatanze isoko, akanama gashinzwe gutanga amasoko, umukozi wa Kaminuza wari ushinzwe kubikurikirana n’abandi kuko amafaranga nk’aya atatangwa hatari ikiyihishe inyuma.

Ijambo ryahise rihabwa uwari uhagarariye ubushinjacyaha maze avuga ko iyi Dosiye iri gukurikiranwa neza ariko avuga ko asaba ubuyobozi bwa Kaminuza kuzabafasha muri iki kibazo.Gusa yavuze ko usibye amategeko, ngo n’iyo urebesha amaso ubona ko hari ikibyihishe inyuma.

Yagize ati “Gusa iyo usesenguye neza usanga hari ikibyihishe inyuma, Dosiye iri gusesengurwa mu bushinjacyaha ariko turasaba ubufatanye na za Kaminuza zose kuko hari abo duhamagara ariko bakatwereka ko ntacyo bibabwiye”.


Rubingisa Pudence ushinzwe imari n’ubutegetsi muri Kaminuza (ubanza ibumoso), n’umuyobozi wa Kaminuza y’u Rwanda Fillip Coton (ubanza iburyo)

Depite Juvenal Nkusi yahise avuga ko iyi Dosiye iri kugenda isaza aho yakoresheje ijambo “Iriho iranuka” maze asaba ko bashakisha irengero ry’aya mafaranga.

Yagize ati “Turabasaba kwihutisha iyi Dosiye mukamenya ayo mafaranga amanitse hehe, yasangiwe na bande”.

Uwari uhagarariye ikigo gishinzwe amasoko ya Leta, RPPA, Kayira Nsengiyumva Antoine, na we yavuze ko ayo mafaranga akwiye kuzabazwa abantu benshi barimo: rwiyemezamirimo, umuyobozi wari uhagarariye Nyagatare Campus muri iri soko, Akanama k’ubugenzuzi k’amasoko ndetse n’ubuyobozi bwa Kaminuza kuko iki kibazo kigaragaza ibindi bikihishe inyuma.

Pudence Rubingisa Umuyobozi ushinzwe imari n’Ubutegetsi muri Kaminuza y’u Rwanda, yemeye imikorere mibi mu gukurikirana iri soko ndetse avuga ko habayeho kwibeshya kuri rwiyemezamirimo wahawe iryo soko.

Yavuze ko bakimara kubona ko rwiyemezamirimo adashoboye bafatiriye ingwate yatanze, ndetse bari muri gahunda zo gusesa amasezerano ariko abadepite bavuga ko bitari bikwiye kugarukira aho.

Yisangize Inshuti.

Ibitekerezo 12

  1. Konifuza komwatsura nabonante number zanyu izanjye nizi 0787928844.0728389075 mwihangane nukuritugane.

  2. Mubikurikirane nez kuko birumvikanako bidakurikij amategeko, ntandukiriy gato twese turabiz amafrw you Rwanda kuva muri 1980 kugez ubu yataye agaciro kuburyo bugaragar kdi burse yahabwaga abanyeshur icyogih nubu niyo bagihabwa mwarangiz mukabasaba guhanga udushya nogutekerez kure, ibiwabigerah ute utariye?, waba utelerez uko uribubeho utwodushya wadutekerez ryari!?, wakora ubushakashotsi ute ntabushobozi?

  3. Mubikurikirane nez kuko birumvikanako bidakurikij amategeko, ntandukiriy gato twese turabiz amafrw you Rwanda kuva muri 1980 kugez ubu yataye agaciro kuburyo bugaragar kdi burse yahabwaga abanyeshur icyogih nubu niyo bagihabwa mwarangiz mukabasaba guhanga udushya nogutekerez kure, ibiwabigerah ute utariye?, waba utelerez uko uribubeho utwodushya wadutekerez ryari!?, wakora ubushakashotsi ute ntabushobozi?

  4. Biratangaje ahubwo niho ngarukira president kagame aho yavuze ko injiji zambere arabantu bize ubwo c abantu banyereza amafaranga gutya hhhh birantangaje peeeee mzehe aracyafite akazi peeee

  5. Biratangaje ahubwo niho ngarukira president kagame aho yavuze ko injiji zambere arabantu bize ubwo c abantu banyereza amafaranga gutya hhhh birantangaje peeeee mzehe aracyafite akazi peeee

  6. Biratangaje ahubwo niho ngarukira president kagame aho yavuze ko injiji zambere arabantu bize ubwo c abantu banyereza amafaranga gutya hhhh birantangaje peeeee mzehe aracyafite akazi peeee

  7. 1 | 2

Tanga Igitekerezo