Zimbabwe:Abadashyigikiye Mugabe bakubitiwe mu myigaragambyo

Abambaye imipira itukura barakubiswe

Abadashyigikiye Perezida wa Zimbabwe Robert Mugabe kuri uyu wa Gatanu bazindukiye mu mihanda i Harare, bakumirwa na polisi bamwe barakubitwa abandi baterwa ibyuka biryana mu maso.

Iyo myigaragambyo yateguwe n’amashyaka atavuga rumwe n’ubutegetsi buriho muri icyo gihugu, aho basaba ko hakorwa impinduka mu bijyanye n’amatora mbere y’uko haba amatora ya Perezida mu mwaka wa 2018.

Perezida Mugabe yavuze ko Imana niba ikimutije ubuzima azongera akiyamamaza.
BBC yatangaje ko abakubiswe ari abantu babaga bambaye imipira y’umutuku y’ishyaka, MDC (Movement for Democratic Change) ritavuga rumwe na Leta rya Morgan Tsvangirai wahoze ari Minisitiri w’Intebe.

Hashize iminsi muri icyo gihugu hatangijwe imyigaragambyo ahanini yamagana uburyo igihugu kiyobowe, by’umwihariko mu bijyanye n’ubukungu,bwanatumye abakozi ba Leta bakererwa guhembwa.

Polisi yari yavuze ko itazihanganira abantu bose bazajya kwigaragambya batabiherewe uburenganzira, nyamara kuri uyu wa Gatanu Urukiko rw’Ikirenga twategetse ko imyigaragambyo y’amashyaka atavuga rumwe na Leta ikomeza.

Yisangize Inshuti.

Ibitekerezo

Tanga Igitekerezo