Zambia:Radiyo eshatu zafunzwe nyuma y’amatora ya Perezida

1

Radiyo eshatu zafunzwe mu gihugu cya Zambia zishinjwa gutara nabi amakuru mu matora ya Perezida yabaye mu minsi ishize, ngo bigateza umutekano muke mu gihugu.

Amatora muri Zambia yabaye tariki ya 11 Kanama, yegukanwa na Edgar Lungu wari usanzwe ayoboye leta y’inzibacyuho.

Hakainde Hichilema wari uhanganye na Lungu yavuze ko atemera ibyavuye mu matora, ndetse ahita anatanga ikirego mu rukiko rurengera Itegeko Nshinga ngo amatora asubirwemo.

Umwuka wakomeje kumera nabi mu gihugu kugeza ubwo radiyo eshatu zifunzwe zizira gutara nabi amakuru, bigashyira mu kaga umutekano w’igihugu.
Radiyo zafunzwe ni Muvi , Komboni Radio na Itezhi Tezhi Radio nk’uko BBC ibitangaza.

Umuyobozi w’urwego rwigenga rushinzwe ibitangazamakuru by’amajwi n’amashusho, Justin Mutale yavuze ko ayo maradiyo ibyo yakoze bitandukanye n’amahame agenga umwuga.

Icyakora ayo maradiyo yahawe iminsi 30 ngo abe yajuririra icyemezo yafatiwe.
Kutemeranya ku ntsinzi ya Perezida Lungu byatumye umuhango wo kurahira wari uteganyijwe kuri uyu wa Kabiri wimurwa, ngo habanze hemezwe neza niba Lungu yaratsinze amatora cyangwa niba azasubirwamo.

Yisangize Inshuti.

Ibitekerezo 1

Tanga Igitekerezo