Venezuela:Perezida yemeye ibiganiro n’abatavuga rumwe na we

Perezida Nicolas Maduro yemeye ibiganiro n’abatavuga rumwe n’ubutegetsi bwe, mu gihe hari hateganyijwe imyigaragambyo idasanzwe kuri uyu wa Mbere.

Imyigaragambyo yo kuri uyu wa Mbere irakurikira indi ikaze yabaye mu byumweru bitatu bishize.

Abigaragambya barasaba Maduro kuva ku butegetsi ndetse amatora ya Perezida ateganyijwe kuba umwaka utaha akigizwa imbere.

Mu biganiro byahuje Perezida Maduro n’abatavuga rumwe na we umwaka ushize, byarangiye nta musaruro bitanze kuko bashinjaga Perezida kubatesha umwanya.

BBC yatangaje ko Maduro kuri iki cyumweru yavuze ko na we ashaka ko amatora akorwa vuba, icyakora yavugaga ay’abayobozi b’inzego z’ibanze.

Ayo matora y’abayobozi b’inzego z’ibanze yagombaga kuba yarakozwe umwaka ushize ariko yimuriwe uyu mwaka.

Abantu 20 baguye mu myigaragambyo yabaye mu minsi ishize, abandi bagera ku 1000 barafungwa.

Yisangize Inshuti.

Ibitekerezo

Tanga Igitekerezo