Urukuta Trump ateganya kubaka ku mupaka ngo azanashyiraho imirasire y’izuba

Perezida Donald Trump yatangaje ko urukuta ateganya kubaka ku mupaka wa Leta Zunze Ubumwe za Amerika na Mexique azashyiraho imirasire y’izuba izajya itanga umuriro, amafaranga avuye mu bakoresheje uwo muriro akaba ariyo yishyura ikiguzi cyakoreshejwe rwubakwa.

Trump ubwo yiyamamazaga yavuze ko azubaka urukuta rutandukanya Amerika na Mexique kugirango akumire abatwara ibiyobyabwenge n’abinjira muri Amerika nta byangombwa.

Kugeza na n’ubu urwo rukuta ntirurubakwa nubwo Trump yakomeje gushimangira ko azarwubakwa.

Kuri uyu wa Gatatu Trump yavuze ko bari gutekereza uburyo bazubaka urwo rukuta hejuru bagashyiraho imirasire y’izuba izajya itanga umuriro.

Amafaranga yavuye mu kugirisha uwo muriro niyo azishyura ibyatanzwe hubakwa urukuta.Trump avuga ko bizanorohera Mexique kwishyura make nubwo yo yatangaje ko nta na make izatanga mu kubaka urwo rukuta.

Trump yagize ati “Turi gutekereza ikintu kidasanzwe.Turi gutekereza ku mupaka wo mu majyepfo, haba izuba ryinshi cyane.Turi gutekereza uko twakubaka urukuta ruriho imirasire ku buryo itanga umuriro noneho rukajya rwiyishyura.Nitubigenza gutyo, Mexique izishyura make, ndakeka ari byo.”

BBC yatangaje ko hari amasosiyete asaga 200 yamaze kugaragaza ko ashaka gukora igishushanyo mbonera y’urwo rukuta.

Yisangize Inshuti.

Ibitekerezo

Tanga Igitekerezo