Kwamamaza

MU MAHANGA

Urukiko rwa EAC rwatesheje agaciro ikirego gisabira u Burundi kwirukanwa muri EAC

Yanditswe

kuya

na

Makuruki
Urukiko rwa EAC rwatesheje agaciro ikirego gisabira u Burundi kwirukanwa muri EAC

Urukiko ry’umuryango wa Afurika y’iburasirazuba (EACJ) rwatesheje agaciro ikirego cy’ihuriro ry’imiryango itegamiye kuri Leta cyasabiraga u Burundi kwirukanwa burundu mu muryago wa EAC kuko ngo butubahirije amabwiriza agenga uyu muryango.

Abagize ihuriro ry’imiryango itegamiye kuri Leta bo mu bihugu bigize EAC (EASCOF) baherutse gutanga ikirego mu rukiko rw’umuryango wa Afurika y’Iburasirazuba basaba ko uru rukiko rusabira u Burundi kuva muri uyu muryango kubera ko butubahirije amategeko.

Ikirego cy’abagize iri huriro cyari gishingiye ku cyemezo cy’urukiko rw’u Burundi rushinzwe kurinda itegeko nshinga cyo kwemerera Perezida Nkurunziza kwiyamamariza manda ya gatatu kitarubahirije ibivugwa n’amasezerano y’amahoro u Burundi bwashyiriyeho umukono i Arusha muri Tanzania mu 2000.

Ikirego cyabo kandi kivuga ko n’itegeko Nshinga ry’iki gihugu ryo muri 2005 ritubahirijwe nkuko riri kuko riteganya ko umukuru w’igihugu cy’u Burundi atorerwa manda imwe y’imyaka itanu yongezwa inshuro imwe gusa ariko Nkurunziza akaba yarabirenzeho akiyamamariza manda ya gatatu.

Abatanze iki kirego banavuze ko kuba komisiyo y’amatora yaremereye Nkurunziza akiyamamariza manda ya gatatu binyuranyije na zimwe mu ngingo z’amabwiriza akubiye mu masezerano y’umuryango wa EAC.

Bongeraho kandi ko ishyaka CNDD-FDD riri ku butegetsi na ryo ryishe amasezerano y’amahoro ubwo ryatanganga Nkurunziza nk’umukandida ku mwanya wa Perezida kandi yari amaze manda ebyiri zitegenywa mu itegeko nshinga.

Izi mpamvu zose ni zo EACSOF yahereyeho isaba urukiko rw’umuryango wa Afurika y’iburasirazuba ko rwasaba Umunyamabanga mukuru w’uyu muryango gusaba inama y’abakuru b’ibihugu bigize uyu muryango guhagarika u Burundi cyangwa bukirukanwa burundu muri uyu muryango.

Chimpreports dukesha iyi nkuru yanditse ko kuri uyu wa gatanu, urukiko rwa EAC rwatesheje agaciro iki kirego ruvuga ko rudafite ubushobozi bwo guhindura cyangwa gusesengura imyanzuro y’urukiko rushinzwe kurinda ubusugire bw’itegeko nshinga ry’u Burundi.

Ku kijyanye no kuba CNDD-FDD yaratanze Nkurunziza nk’umukandida, urukiko rwa EAC rwavuze ko iki kirego cyatanzwe igihe cyararenze kuko bagombaga kugitanga mbere y’itariki 3 Kamena 2015 bakaba baragitanze tariki 6 Nyakanga 2015 bityo ngo ibi na byo nta gaciro byahabwa.

IBITEKEREZO

  • -xxxx- Yanditse:

    Andika Igitekerezo Hano congulteratoin Burundi brvo

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza