Somalia:Igisasu cy’umwiyahuzi cyiciye abantu barindwi muri Resitora

Abantu barindwi bahitanwe n’igisasu cyaturikijwe n’umwiyahuzi imbere ya resitora iherereye mu murwa mukuru wa Somaliya, Mogadishu

Polisi yo muri iki gihugu yatangaje ko umwiyahuzi yinjiye muri resitora amaze gutega igisasu mu modoka yari iparitse hafi ya Resitora maze mu gihe abari bayirimo basohokaga bahurirana n’iturika ry’igisasu hahita hapfa abantu barindwi.

Inzego zishinzwe umutekano muri iki gihugu zatangaje ko zishe babiri mu bagabye icyo gitero ndetse hanafatwa undi umwe ukurikiranweho gufatanya nabo nkuko BBC yabitangaje.

Umutwe w’abarwanyi waAl-Shabab ni wo wagabye iki gitero.

Mu minsi ishize nabwo abarwanyi ba Al-Shabab biciye abantu 17 muri resitora iherereye hafi y’aho iyagabwemo iki gitero iri.

Umutwe w’abarwanyi wa Al-Shabab wageze muri Somaliya muri Kanama 2011, kuri ubu ukaba umaze kuyogoza amajyaruguru ya Somaliya.

Yisangize Inshuti.

Ibitekerezo

Tanga Igitekerezo