Umwarimu akurikiranweho gushora umunyeshuri mu busambanyi akoresheje amafoto na Videwo bishotorana

Umwarimu wigisha ibijyanye n’ubumenyi bw’amafunguro mu kigo cya St. Charles High School akurikiranyweho koherereza umunyeshuri we amafoto yambaye ubusa ndetse na videwo ze akora imibonano mpuzabitsina mu rwego rwo kumukundisha ubusambanyi.

LaToya Nicole Parker w’imyaka 40, akurikiranyweho kwifuza gukorana imibonano mpuzabitsina n’umunyeshuri we w’imyaka 17 y’amavuko, Ibimenyetso bishingirwaho ni amafoto yamwohererezaga yambaye ubusa, ndetse na videwo ze akora imibonano mpuzabitsina mu rwego rwo kureshya uyu munyeshuri we.

Ikinyamakuru Fox 5 DC dukesha iyi nkuru kivuga ko Nicole Parker yakunze kugaragara afata abana bato b’abahungu akabajyana kubagurira ibyo kurya ari nako abashukashuka ngo bemere gukorana na we imibonano mpuzabitsina. Ashinjwa kandi kuba yaragiye akora ibikorwa bibangamira abanyeshuri b’abana kuva muri 2016 kugera muri werurwe 2017.

Urukiko rwo muri Leta Zunze Ubumwe za America rukomeje gukurikirana Nicole Parker ku byaha byo kohereza amafoto yambaye ubusa umwana muto cyane ndetse na videwo zikangurira umwana w’imyaka 17 kuba yakishora mu bikorwa by’ubusambanyi.

Umuyobozi wa St. Charles High School, Richard Conley yabwiye itangazamakuru ko LaToya Nicole Parker yari amaze imyaka 2 ari umwarimu wigisha ibijyanye n’ubumenyi bw’ibiribwa, gusa yakunze kurangwa n’imico itari myiza, aho byagaragaye ko yasabye umwana w’imyaka 17 ko bakora imibonano mpuzabitsina mu mwanya wo kwishyura amafaranga y’ishuri.

LaToya Nicole Parker si we wenyine wagaragayeho ibi bikorwa byo gushaka gukoreaha abana bato imibonano mpuzabitsina muri iki kigo kuko na Carlos Deangelo Bell w’imyaka 30 yakunze kugaragara muri bi bikorwa kandi yari yaranduye SIDA.

Alexis Bikorimana

Yisangize Inshuti.

Ibitekerezo

Tanga Igitekerezo