Umwana uri munsi y’imyaka 14 ni we wagabye igitero cyahitanye abantu 51

3

Abanya Turukiya benshi bari mu kiriyo cy’ababo biciwe muri iki gitero

Umwiyahuzi ufite imyaka iri hagati ya 12 na 14 ni we wagabye igitero mu bukwe bwaberaga mu mujyi wa Gaziantep muri Turukiya kigahitana abantu 51 gikomeretsa abandi benshi.

Ibi byabaye kuri uyu wa gatandatu tariki 20 Kanama 2016, aho uyu mwiyahuzi yinjiye ahaberaga ibirori akahaturikiriza ibisasu byahise bihitana abantu 30 ako kanya bigakomeretsa abandi 69 ari na bo baje kuvamo abandi 21 bapfiriye kwa muganga kuri ubu umubare w’agaguye muri iki gitero bose bakaba ari 51.

Nyuma y’iki gitero, Perezida w’iki gihugu cya Turukiya Recep Tayyip Erdogan washegeshwe cyane n’iki gitero yahise atangaza ko nta gushidikanya umutwe w’abarwanyi wa Islamic State ari wo uri inyuma y’iki gitero.

Icyakora uyu mutwe w’abarwanyi wo ntiwigeze wigamba iki gitero nkuko bikunze kugenda.

Iki ngo ni cyo gitero cyahitanye abantu benshi muri uyu mwaka wa 2016.

Igitero nk’iki gikomeye ngo cyaherukaga kuba mu mwaka ushize mu kwezi kw’Ugushyingo aho abasaga 100 bapfiriye mu gitero kimwe nubundi cyari cyagabwe na Islamic State.

Iki gitero cyashegeshe Perezida wa Turukiya kije nyuma y’ukwezi kumwe gusa habaye ibikorwa byo gushaka kumuhirika ku butegetsi byaje kuburizwamo nabyo byamubabaje bigatuma afata imyanzuro ikarishye mu nzego z’ubutegetsi n’iza gisirikare.

Umusore wari wakoresheje ubwo bukwe na we ari mu bakomeretse icyakora umugeni we ntiyagize icyo aba.

Iki gitero cyagabwe ubwo abari batashye ubukwe bari barimo kubyina bishimira ibirori ariko imihango nyirizina y’ubukwe yo ngo yari yahumuje.

Iki gitro kije gikurikira icyagabwe mu kwezi gushize n’abiyahuzi bakomoka muri Islamic State aho bishe abantu 44 mu gitero bagabye ku kibuga cy’indege cya Ataturk cyo mu mujyi wa Istanbul.


Amarira ni menshi mu baburiye ababo mu gitero cyagabwe kuri uyu wagatandatu

Yisangize Inshuti.

Ibitekerezo 3

  1. Ahubwo c we yasigaye? Ikiremwamuntu gisigaye kirushwa urukundo ni inyamanswa pe!

  2. Ahubwo c we yasigaye? Ikiremwamuntu gisigaye kirushwa urukundo ni inyamanswa pe!

  3. Ariko kwica abandi bikumarira iki? Utekereje neza ukareba uko umuntu ameze nawe uko umeze ntiwatekereza kumwica. Ariko uzi umuntu mutazongera kubonana kandi muge mwibuka ko wamwica wagirute nawe ntuteze kumara imyaka ijana. Twakagombye gukunda ikiremwamuntu. Ubuse nkababantu bose yambuye ubuzima bimumariyiki? Ese azabwirikimana duhinduke rwose.

Tanga Igitekerezo