Kwamamaza

MU MAHANGA

Umutingito wahitanye amagana y’abantu ku mupaka wa Iraq na Iran

Yanditswe

kuya

na

Jean Paul Niyitanga
Umutingito wahitanye amagana y’abantu ku mupaka wa Iraq na Iran

Umutingito wari ufite ubukana bungana na 7.3 wibasiye agace kari ku mupaka wa Iran na Iraq uhitana abantu basaga magana atatu.

Umubare w’abahitanywe n’uyu mutingito uragenda uzamuka isaha ku isaha. Ubwo twandikaga iyi nkuru Ikinyamakuru the Guardian cyari kimaze gutangaza ko umubare w’abapfuye umaze kugera kuri 335.

Muri aba harimo abanya-Iran 328 n’abanya-Iraq barindwi ndetse ibihumbi byinshi bakometse ku buryo bukomeye.

Uyu mutingito wibasiye igice cy’Uburegerazuba bwa Iran kuri iki cyumweru ahagana saa 9.20 ku isaha yo muri icyo gihugu.

Abayobozi muri iki gihugu baratangaza ko umubare w’abishwe n’uyu mutingito ushobora gukomeza gutumbagira bitewe nuko ibikorwa byo gutabara abantu bikomeje kandi abakomeretse ku buryo bukomeye na bo bakaba ari benshi cyane.

Abantu basaga 70,000 bakeneye ubufasha bwihutirwa kandi biragoye ko bose bwabageraho kuko n’ibitaro bimwe na bimwe byasenyaguritse n’abaganga barapfa.

Intara ya Kermanshah ni yo yibasiwe cyane ndetse muri iyi ntara hashyizweho iminsi itatu y’icyunamo mu rwego rwo gukomeza kuzirikana ubuzima bw’abapfiriye muri uyu mutingito.

Perezida wa Iran ,Hassan Rouhani, yasabye inzego zose kwihutira gutanga ubutabazi bwose bushoboka mu rwego rwo gutabara benshi bababaye kubera ibikomere.

Uretse uyu mubare munini w’abantu bapfuye, hangiritse ibikorwa remezo bitandukanye birimo Imihanda, amazu, amamodoka n’ibindi binyabiziga, imyaka yari ihinze mu mirima, inganda, ibitaro, amashuri n’ibindi byinshi.


Agahinda, amarira, intimba kubagizweho ingaruka n’uyu mutingito


Ibikorwa remezo byangiritse ari byinshi

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza