Kwamamaza

MU MAHANGA

Umuryango wa Nyampinga wa Iraq uri mu mazi abira kubera ’Selfie’

Yanditswe

kuya

na

Jean Paul Niyitanga
Umuryango wa Nyampinga wa Iraq uri mu mazi abira kubera ’Selfie’

Umuryango wa Nyampinga w’igihugu cya Iraq uri mu mazi abira nyuma y’ifoto yagaragaye uyu Nyampinga yifotoranyije na Nyampinga w’igihugu cya Isiraheli akayikwirakwiza ku mbuga nkoranyambaga.

Ubusanzwe Iraq na Israel ni ibihugu bitavuga rumwe, ibi bihugu nta masezerano y’imibanire n’amwe bigirana nta n’indi sano ya dipolomasi bihuriraho.

Mu minsi ishize rero nyampinga wa Iraq witwa Sarah Idan yahuye na Nyampinga wa Isiraheli witwa Adar Gandelsman bombi bahuriye mu bikorwa bitegura amarushanwa ya Nyampinga w’isi (Miss Universe).

Ubwo bahuriraga i Las Vegas, aba bakobwa bombi bifashe ifoto bakoresheje telefone maze nyampinga wa Iraq ayikwirakwiza ku mbuga nkoranyambaga iherekejwe n’amagambo agira ati: "Amahoro n’urukundo hagati ya Nyampinga wa Iraq n’uwa Isiraheli".

Ibi byatumye anengwa n’abanyagihugu cye yari ahagarariye muri ayo marushanwa azira kuba yatinyutse kwifotoranya na Nyampinga wa Isiraheli yarangiza agakwirakwiza iyo foto kandi azi neza ko ibihugu byabo bitajya imbizi.

Gusa Nyampinga wa Iraq we yavuze ko ibyo yabikoze ashaka kwerekana ko aba bakobwa bombi bashobora kuba abambasaderi b’amahoro ku bihugu byombi.

Ati: "Naravuze nti reka dufate agafoto kugirango abantu bacu babone ko nta kibazo dufitanye kandi ko dushobora kuba abambasaderi b’amahoro"

Gusa ibyo uyu mukobwa yatekereje si wo musaruro yabonye kuko yahise atangira guterwa ubwoba n’abashinzwe amarushanwa ya Nyampinga mu gihugu cye bamusaba gukura iyo foto ku mbuga nkoranyambaga cyangwa akamburwa ikamba rya Nyampinga.

Abandi na bo bagiye bamubwira ko ashobora no kwicwa kubera ko yafashwe nk’umugambanyi w’igihugu cye kuko yagaragaje ko ashyigikiye Isiraheli n’amatwara yayo.

Gusa ntabwo yigeze asiba ya foto kuko yumvaga nta kibi yakoze ariko abategura amarushanwa ya Nyampinga muri Iraq bamubwira ko Minisiteri y’umuco yategetse ko asiba iyo foto aho yari yayishyize hose.

Ku bukeye yabyibajijeho ahita yandika ku mbuga noranyambaga asaba imbabazi ku bw’iyo foto.

Gusa abagize umuryango we bahise batangira guterwa ubwoba banategekwa gusohoka mu gihugu cya Iraq kuri ubu bakaba bari muri Amerika ndetse igihugu cye cyahise gihagarika ibyo cyamuhaga byose nka Nyampinga.

CNN dukesha iyi nkuru yatangaje ko kuri ubu uyu Nyampinga avuga ko na we afite ubwoba bw’uko ashobora kwicwa kuko ngo ntazi ikizakurikiraho nyuma yo kumwima ibyo yari agenewe kandi akaba anakomeje guterwa ubwona n’abantu batandukanye bamwandikira ku mbuga nkoranyambaga bamubwira ko azicwa.

Iyi foto yakwirakwijwe na Nyampinga wa Iraq Sarah Idan


Iyi foto yayavuzweho n’abantu batandukanye benshi banenga Miss Sarah Idan kuba yatinyutse kwifotozanya na Miss wa Isiraheli.

IBITEKEREZO

  • Mandevu georges Yanditse:

    Rwose abana Imana ibahe umugisha kuko batekereje neza

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza