Umukobwa wa Perezida wa Congo akurikiranyweho ruswa

Denis Sassou Nguesso, Perezida wa Congo Brazzaville

Julienne Sassou Nguesso, umukobwa wa Denis Sassou Nguesso, Perezida wa Congo Brazzaville akurikiranyweho ibyaha bya ruswa no gupfusha ubusa umutungo wa rubanda.

Uyu mugore n’umugabo we Guy Johnson bari gukorwaho iperereza na Polisi yo mu gihugu cy’u Bufaransa.

Bakurikiranyweho ibi byaha nyuma y’iminsi mike baguze inzu ya miliyoni eshatu n’igice z’amadolari mu mujyi wa Paris.BBC yatangaje ko Polisi ishaka kumenya aho ayo mafaranga yaturutse.

Iri perereza riri mu rimaze iminsi rikorwa na Polisi y’Ubufaransa, bashaka kumenya uko abaperezida batatu bo muri Afurika bakoresha amafaranga yabo mu Bufaransa.Abo ba Perezida ni Dennis Sassou Nguesso, Ali Bongo Ondimba wa Gabon na Teodoro Obiang Nguema Mbasogo wa Guinea Equatoriale.

Ari Nguesso n’umukobwa we nta wigeze agira icyo atangaza kuri iryo perereza bari gukorwaho, icyakora RFI yatangaje ko umunyamategeko wabo yavuze ko aragerageza icyo kirego akakiburizamo.

Yisangize Inshuti.

Ibitekerezo

Tanga Igitekerezo