Umugabo yashatse kwivugana umugore we birangira ari we uhasize ubuzima

Umugabo yarashe umugore we nawe ahita yirasa arapfa, ibi bikaba byabereye mu rugo rwabo mu gace ka Sedgefield, mu burengerazuba bw’intara ya Cape muri Afurika y’epfo.

Amakuru dukesha The Citizen aravuga ko kuri uyu wa mbere tariki 1 Kanama 2016 umugabo yarashe umugore we ashaka ku mwica ngo nawe yiyice gusa ku bw’amahirwe uyu mugore we akaba yarusimbutse n’aho umugabo agahita apfa yirashe.

Umuvugizi w’intara ya Cape, Kapiteni Malcolm Pojie nawe yemeje iby’aya makuru avuga ko uyu mugabo yabanje kurasa umugore we nyuma nawe akirasa gusa ku bw’amahirwe ngo uyu mugore akaba yarurokotse maze rutwara umugabo we wari ushatse ku mwivugana.

Uyu muvugizi wa polisi muri kariya gace yakomeje avuga ko uyu mugabo yahise apfa ako kanya gusa umugore we akaba yakomeretse byoroheje.

Yakomeje avuga kandi ko kugeza ubu hataramenyekana impamvu yaba yatumye uyu mugabo ashaka kwivugana umugore we ngo nawe yiyice gusa yongeraho ko hatangiye gukorwa iperereza ku cyaba cyateye uyu mugabo kwirasa akarasa n’umugore we.

Yisangize Inshuti.

Ibitekerezo

Tanga Igitekerezo