Umugabo w’imyaka 70 yishwe n’abanyeshuli bamushinja amarozi

Ku wagatanu tariki ya 3 Kamena 2016, umusaza w’imyaka 70 yishwe n’abanyeshuli biga mu ishuli rya Abubakar Integrated school riri hafi y’umusigiti mu cyaro cya Tsungali mu gace ka Matuga na Kwale mu gihugu cya Kenya.

Athman Bamama ubwo yaravuye gusenga mu musigiti uri hafi n’inzu ye yahuye n’abanyeshuli bari bacitse ishuli bamukubita inkoni nyinshi n’amabuye byanamuviriyemo gupfa.

Ibi byemejwe n’umwe mu baturanyi b’uyu nyakwigendera Omar Mwamaisha aho yavuze ko ibi byabaye ahagana mu masaha ya saasaba n’igice z’amanywa.

Mwamaisha yavuze ko yabimenye nyuma yo kumva urusaku rw’aba banyeshuli bamukubitaga gusa akihagera nta muntu yahasanze uretse umurambo wari uri hafi y’umusigiti mu kidendezi cy’amaraso.

Yavuze ati: “ nabonye aryamye hasi afite ibikomere ku mutwe bigaragara ko yakubiswe inkoni cyangwa amabuye, yuzuye amaraso umubiri wose,”

Umuvugizi wa Polisi muri ako gace Patrick Oduma yemeje iby’uru rupfu, akaba yavuze ko hagiye gutangizwa iperereza k’urupfu rwa Bamama.

Bmama yashijwaga amarozi

Umwe mu baturanyi be utashatse kwivuga amazina yavuze ko nyakwigendera yari umukozi w’isuku muri icyo kigo nyuma y’aho umuyobozi w’ishuli Mohammed Mtulu amwirukaniye.

Yakomeje avuga ko umwanzuro wo kumwirukana wafashwe nyuma y’aho ubuyobozi bw’ishuli bumushinje amarozi cyane cyane umunyeshuli w’umukobwa warumaze iminsi afatwa n’imyuka mibi bivugwa ko ariwe wabiteraga.

Yagize ati: “ ndibuka umunsi umwe yaje iwanjye ambwira ko umuyobozi w’ishuli n’abanyeshuli batamushaka, nyuma y’iminsi mike nibwo yirukanwe.”

Umuyobozi wa Police yavuze ko ishuli rifungwa kubera urupfu rw’uyu mugabo anemeza ko atari ubwa mbere umuntu yishwe mu ghihugu azizwa amarozi

Umuyobozi wa Polisi yavuze ati: “aya makosa akabije kwiyongera niyo mpamvu turimo gushaka abakekwaho kumwica kandi Ministere y’uburezi yafashe umwanzuro wo gufunga iri ishuli.”

Uhagarariye ikigo, Masoud Mwandemba , ubwo yageraga ku ishuli mu masaha make yabajijwe nabashinzwe iperereza gutanga ibisobanuro by’aho umuyobozi w’ishuli yarari mugihe abanyeshuli bakubitaga uwo mugabo.

Mwandemba yavuze ko yahamagawe kugirango amenyeshe umuyobozi w’ishuli ibyabaye kuko yari yitabiriye indi nama mu gace kitwa Likoni.

Yavuze ati: birashoboka ko hari umuntu waruri hafi mu gihe byabaga, ndabizi ko kuwa gatanu abanyeshuli bacitse ishuli ahagana saatanu n’igice.”

Umurambo wa nyakwigendera wajyanywe mu buruhukiro bw’ibitaro bya Msambweni Referral Hospita

Yisangize Inshuti.

Ibitekerezo

Tanga Igitekerezo