Havumbuwe umuti mushya ukiza Malariya mu minsi itatu gusa

1

Abahanga bo mu gihugu cya Uganda bakoze umuti uturuka ku byatsi ushobora gukiza malaria mu gihe cy’iminsi itatu gusa.

Aba bahanga bavumbuye uyu muti bavuga ko ushobora kwica udukoko dutera Malariya twinjiye mu mubiri w’umuntu mu gihe akoresheje uyu muti uturuka mu bimera.

Uwari uyoboye itsinda ry’aba bashakashatsi akaba n’umwarimu muri kaminuza y’ Ubumenyi n’ Ikoranabuhamga ya Mbarara, Dr. Patrick Ogwang, yavuze ko isuzuma ryakorewe kuri uyu muti ryagaragaje ko ari ntamakemwa kandi wizewe.

Yagize ati “ Udukoko twafashwe muri bizamini bya malariya mu bitaro bya Muligo tugahabwa uyu muti twose twahise dupfa.”

Yanavuze kandi ko uyu muti wageragerejwe no ku mbeba, udukoko twose tugapfa kandi ntibitere ingaruka.

Dr. Ogwang kandi yavuze ko uyu muti wakoreshwaga kuva mu myaka 40 ishize ariko mu buryo bwa gakondo.

Daily Monitor dukesha iyi nkuru ivuga ko ibyavuye muri ubu bushakashatsi byahise bishyirwa mu kigo cya Uganda gishizwe imiti bihabwa izina rya THA218.

Uyu muti ufunzwe ku buryo bw’agafu gapfunyitse(capsules) ndetse n’indi fu igenewe abana ivanzwe n’amazi.

Minisitiri w’Ubuzima wa Uganda Dr. Elioda Tumwesigye yavuze ko hakiri ibikenewe gukorwa kugira ngo uyu muti wemerwe gukoreshwa n’abantu hirya no hino.

Yisangize Inshuti.

Ibitekerezo 1

Tanga Igitekerezo