Uganda:Batatu bafunzwe bazira gushyingura ifoto ya Museveni

2

Abasore batatu bari mu maboko ya Polisi muri Mbarara bazira gutegura imihango yo gushyingura Perezida wa Uganda Yoweri Museveni.

Abo bagabo Dailymonitor ivuga ko bafashwe bafite isanduku yanditseho amagambo agira ati ’Uruhukire mu Mahoro Museveni’ ndetse banafite ifoto ye.

Muri iyo sanduku kandi hari handitsemo n’andi mazina y’abaminisitiri batandukanye muri Uganda ndetse n’amazina y’abadepite b’ishyaka NRM riri ku butegetsi.

Bivugwa ko abo bagabo bari mu myigaragambyo yo kwamagana ihindurwa ry’Itegeko Nshinga rishobora kuzatuma Museveni yongera kwiyamamaza mu mwaka wa 2021.

Itegeko Nshinga rya Uganda ntiryemerera Museveni kuba yazongera kwiyamamaza kuko amatora azajya kuba arengeje imyaka 75.

Abo basore ngo bari babanje kwaka uruhushya rwo kwigaragambya bararubima, biba ngombwa ko babikora ku ngufu.

Yisangize Inshuti.

Ibitekerezo 2

Tanga Igitekerezo