Kwamamaza

MU MAHANGA

Uganda:Bamwe mu badepite banze kurya amashiringi bahawe ngo bahindure itegeko nshinga

Yanditswe

kuya

na

Jean Paul Niyitanga
Uganda:Bamwe mu badepite banze kurya amashiringi bahawe ngo bahindure itegeko nshinga

Bamwe mu badepite batavuga rumwe na Leta muri Uganda biyemeje gusubiza Miliyoni 29 z’amashiringi bari bahawe ku munsi w’ejo ngo babashe kwiga ku mushinga wo guhindura ingingo y’itegeko nshinga iteganya imyaka Perezida wa Uganda atagomba kurenza.

Ku munsi w’ejo nibwo buri mudepite wese wo mu gihugu cya Uganda yagenewe akayabo ka Miliyoni 29 kugirango azabafashe kwiga ku mushinga w’itegeko rigena imyaka Perezida wa Uganda atagomba kurenza.

Kuri uyu wa gatatu ariko bamwe mu badepite batavuga rumwe na Leta ya Uganda bafashe umwanzuro wo kwanga ayo mashiringi bavuga ko ari ukubaha ruswa kugirango babogame mu gufata ibyemezo kuri iyi ngingo.

Bavuze ko ayo mashiringi atabagenewe ahubwo agenewe gukora ibindi bikorwa bityo bavuga ko bagomba kuyasubiza abayabahaye ndetse bagasaba umugenzuzi w’imari ya Leta muri iki gihugu kugenzura aho ayo mashiringi yavuye kuko bo bakeka ko yaba yarakuwe mu ngengo y’imari ya Leta yari igenewe gukora ibindi bikorwa biteza imbere abaturage.

Chimpreports yatangaje ko ubwo aba badepite bari mu kiganiro n’abanyamakuru baje bitwaje ibikapu byuzuye inote bavuga ko badashobora kwemera kurya ruswa kugirango bemerere Museveni gukomeza kuyobora igihugu.

Chris Obore,ushinzwe itumanaho mu nteko ya Uganda yavuze ko abadepite bose hamwe bahawe akayabo ka Miliyali 13 z’amashiringi ya Uganda. Aya mashiringi ngo yari gukurwa ku mishahara y’abadepite ariko bakazayasubizwa na Minisiteri y’imari.

William Nzoghu, umwe mu badepite umunani biyemeje kwanga ayo mashiringi avuga ko amashiringi Miliyoni 29 kuri buri mudepite atigeze ateganywa mu ngengo y’imari ya 2017/2018 bityo ngo bagomba kuyasubiza abayabahaye.

Muwanga Kivumbi, yavuze ko adashobora kurya miliyoni 29 za ruswa kandi abaturage ahagarariye bakennye.

Lubega Seggona we avuga ko umudepite atagomba guhongerwa amashiringo ngo akunde akore akazi ke, we abifata nko kugurwa. Ati: "Sinshobora kugurwa kugirango Museveni akunde akomeze abe Perezida ubuziraherezo."

Angelina Osege we avuga ko amashiringi babahaye ashobora kuba yaravumwe kandi ngo kuyarya ni ukujya mu mubare w’abajura. Aba badepite basabye n’abandi bagenzi babo kuyasubiza.

Kuva hatangizwa gahunda yo guhindura ingingo igena imyaka y’umukuru w’igihugu cya Uganda, abatavuga rumwe na Leta, abanyamadini, abanyamategeko na sosiyete sivile barabyamaganye bavuga ko ari umugambi ugamije gutuma Perezida Museveni, ufite imyaka 73 yiyamamariza indi manda.


Abadepite bakoze ikiganiro n’abanyamakuru bitwaje imizingo y’inoti

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza