Donald Trump yatangiye kugira icyikango mbere y’amatora

2

Donald Trump uhatanira umwanya w’umukuru w’igihugu muri Leta zunze ubumwe za Amerika yavuze ko amatora ateganijwe mu kwezi kwa 11 uyu mwaka ashobora kuzibwa.

Ibi uyu mukandida uhagarariye ishyaka ry’Abarepubulike yabibwiye imbaga y’abari baje kumwumva i Columbus muri Ohio, aho yemeje ko akomeje kumva ko ayo matora azaba abogamye.

Donald Trump kandi yanabisubiyemo kuri televiziyo ya Fox News avuga ati: "Nizeye ko ishyaka ry’aba Republican ryafunguye amaso naho ubundi bazatwiba amajwi."

BBC dukesha iyi nkuru ivuga ko uyu mugabo nta gihamya yatanze afite y’ibyo avuga, gusa ngo yanavuze ko Hillary Clinton bahanganye ukomoka mu ishyaka ry’abademokarate ari "shitani".

Donald Trump amaze iminsi anengwa cyane kubera amagambo ataranyuze benshi yavuze ku babyeyi b’umusirikare b’umuyisilamu wo mu ngabo za Amerika waguye ku rugamba mu ntambara yo muri Iraq.

Muneza Ferdinand

Makuruki.rw

Yisangize Inshuti.

Ibitekerezo 2

Tanga Igitekerezo