U Burundi burashinja EU umugambi wo gushaka guhirika Leta ya Nkurunziza

Leta y’u Burundi yatangaje ko umuryango w’Ubumwe bw’Uburayi (EU) wari ufite umugambi wo kuvanaho Leta ya Pierre Nkurunziza na mbere y’uko imvururu zo mu mwaka wa 2015 ziba.

BBC yatangaje ko Umuvugizi wa Leta y’u Burundi yavuze ko babonye inyandiko zerekana ko abakozi ba EU muri icyo gihugu bateraga inkunga abantu batezaga umutekano muke n’intugunda mu gihugu.

Ntabwo uwo muvugizi yagaragaje byinshi mu bikubiye muri izo nyandiko.

U Burundi bwakunze kunenga imyitwarire ya EU kuri iyo guverinoma, dore ko hari n’ibihugu bigize EU icyo gihugu cyagiye gitunga agatoki gushaka kuyihirika.

EU yafatiye u Burundi ibihano birimo guhagarika inkunga yahabwaga icyo gihugu, kubera imvururu zatewe n’icyemezo cya Perezida Nkurunziza cyo kwiyamamariza manda ya gatatu, abasaga 400 bagapfa abandi benshi bagahunga.

Mu minsi ishize Uganda na Tanzania, bimwe mu bihugu bigize Umuryango wa Afurika y’Uburasirazuba byasabye ko ibyo bihano u Burundi bwafatiwe byakurwaho ariko EU irabyanga.

Yisangize Inshuti.

Ibitekerezo

Tanga Igitekerezo